सोलापूर : महाराष्ट्र लोकसेवा आयोग, यांच्यामार्फत महाराष्ट्र शिक्षक पात्रता (MAHATET) परीक्षा 2025 ही रविवारी, 23 नोव्हेंबर 2025 रोजी 10.00 वा. ते 05.00 वा. या वेळेत सोलापूर शहरातील 34 परीक्षा उपकेंद्रांवर होणार आहे. परीक्षा केंद्राच्या 100 मिटर परिसरात बंदी आदेश जारी करण्यात आला असल्याची माहिती पोलीस उप आयुक्त, (गुन्हे/विशा), डॉ. अश्विनी पाटील यांनी एका प्रसिध्दी पत्रकान्वये दिलीय.
या परीक्षा कालावधीत सर्व परीक्षा केंद्राच्या परिसरात झेरॉक्स सेंटर, फैक्स, ईमेल, रेडिओ, इंटरनेट अशा दळणवळण सुविधा यांचा परीक्षेच्या अनुषंगाने गैरवापर होण्याची शक्यता आहे, अशा सुविधा कार्यरत ठेवणे, वायरलेस सेंट, ट्रांझिटर, मोबाईल फोन, टॅबलेट, इलेक्ट्रॉनिक घड्याळ, संगणक गणनायत्र (कॅल्क्युलेटर), ई-मेल, इंटरनेट, झेरॉक्स सेंटर यासारख्या दळणवळण साधनांचा परीक्षा केंद्राच्या आवारात उपयोग केला जातो. तसेच परीक्षा प्रक्रियेशी संबंधीत नसलेली व्यक्ती परीक्षा केंद्राच्या आवारात प्रवेश करणे, तसेच परीक्षा केंद्राच्या परिसरात बाह्य उपद्रव कमी करणे, परीक्षार्थींना कोणताही अडथळा होऊ नये आणि परीक्षा प्रक्रियेशी संबधित शासकीय अधिकारी आणि कर्मचारी यांना त्यांचे परीक्षेशी संबंधित कर्तव्ये चोखपणे, कोणताही अडथळा अथवा उपद्रव न होता बजावता यावे, म्हणून परीक्षा केंद्राच्या सभोवताली 100 मीटर परीसरात भारतीय नागरीक सुरक्षा संहिता, 2023 चे कलम 163 चा आदेश लागू करणे निकडीचे असल्याने पोलीस उप आयुक्त, (गुन्हे/विशा), डॉ. अश्विनी पाटील, भारतीय नागरिक सुरक्षा संहिता, 2023 चे कलम 163 अन्वये यांनी असा आदेश दिला आहे. 
रविवारी, 23 नोव्हेंबर रोजी सकाळी 07.30 वा. ते सायंकाळी 06.00 वा. पर्यंत पोलीस आयुक्तालय, सोलापूर हद्दीचे कार्यक्षेत्रातील खाली नमुद सर्व परीक्षा केंद्रावर परीक्षा केंद्रापासून 100 मीटर परिसरात खालील कृती करण्यास बंदी घालण्यात आली असल्याचे त्या आदेशात म्हटलं आहे.
परीक्षा केंद्राच्या परिसरात कोणत्याही प्रकारच्या घोषणा देणे, परीक्षा केंद्राच्या परिसरात सार्वजनिक शांततेस बाधा निर्माण होईल असे कृत्य करणे, परीक्षा केंद्राचे 100 मीटर परिसरातील झेरॉक्स, फॅक्स सेंटर, टायपिंग सेंटर, एसटीडी बूथ, ध्वनीक्षेपक, संगणक केंद्र, इंटरनेट कॅफे अशा दळण-वळण सुविधा आणि पानपट्टी कार्यरत ठेवणे, परीक्षा केंद्राचे परिसरात मोबाईल फोन, टॅबलेट, इलेक्ट्रॉनिक घड्याळ, सेल्युलर फोन, वायरलेस सेट, ट्रान्झीटर व इतर माध्यमासह प्रवेश करणे, परीक्षा केंद्राचे 100 मीटर परिसरात कोणत्याही वाहनांस प्रवेश करणे, परीक्षा प्रक्रियेशी संबंधित नसलेली व्यक्ती (उमेदवारांचे नातेवाईकासह) परीक्षा केंद्राचे 100 मीटर परिसरात प्रवेश करणे, परीक्षा केंद्राचे 100 मीटर परिसरात पाच किंवा त्यापेक्षा अधिक व्यक्ती एकत्र येणे, यावर त्या आदेशात निर्बंध घालण्यात आले आहेत.
या आदेशाचा कोणी कोणत्याही प्रकारे भंग केल्यास ती व्यक्ती भारतीय न्याय संहित 2023 चे कलम 223 प्रमाणे शिक्षेस पात्र होईल, असे आदेश पोलीस उप आयुक्त,(गुन्हे/विशा) डॉ. पाटील यांनी दिले आहेत.
