दसुर : येथील पत्रकार संजय निंबाळकर यांची सुकन्या त्रिशा निंबाळकर हिचा वाढदिवस माळीनगर पवार वस्ती अंगणवाडी शाळा येथे गरजू मुलांना वह्यांचे आणि खाऊचे वाटप करून साजरा करण्यात आला. या सामाजिक उपक्रमाचं सर्व स्तरातून कौतुक केलं जात आहे.
यावेळी अंगणवाडी माळीनगर पवार वस्ती सेविका आशा कांबळे, मदतनीस दीप्ती दळवी तसेच पत्रकार विजय चव्हाण, सोमनाथ खंडागळे, यांच्यासह भारत चव्हाण, शंकर चव्हाण, निखिल वारे, संजय निंबाळकर उपस्थित होते. यावेळी उपस्थित पालक वर्गाने या सामाजिक उपक्रमाबद्दल पत्रकार निंबाळकर यांचे विशेष कौतुक करून अभिनंदन केले.
