सोलापूर : बज़्मे ग़ालिब सोलापूरतर्फे रविवारी, 30 नोव्हेंबर रोजी सकाळी 11 ते रात्री 08 वाजेपर्यंत हुतात्मा स्मृति मंदिर येथे उर्दू खुल्या एकांकिका स्पर्धेचं आयोजन करण्यात आलं आहे. यामध्ये एकुण 06 संघानी सहभाग नोंदविला आहे.
एम. ए. पानगल उर्दू हायस्कूलतर्फे पहिली एकांकिका "एक्सपेरीमेंट", गॅलक्सी अकॅडमीतर्फे दुसरी एकांकिका "साढ़े छे रुपये का क्या किया?", तिसरी एकांकिका इकरा अकॅडमीतर्फे "सरगोशी", चौथी एकांकिका जॉईंन फॉर पीसतर्फे "पेशकश" तसेच मधुर ध्वनीतर्फे "प्रेम की यातना" आणि आर्ट अकॅडमीतर्फे शेवटची एकांकिका "इन्वेस्टिगेशन" सादर होईल.
या स्पर्धेचे प्रथम पारितोषिक 15,000 रुपये व बज़्मे ग़ालिब ट्रॉफी, द्वितीय पारितोषिक 10,000 रुपये व ट्रॉफी तर तृतीय 07,000 रुपये व ट्रॉफी देण्यात येणार असून त्याचबरोबर उत्कृष्ठ लेखक, उत्कृष्ट दिग्दर्शक, उत्कृष्ट नेपथ्य, उत्कृष्ट संगीत, उत्कृष्ट प्रकाश योजना, उत्कृष्ट अभिनय (पुरुष), उत्कृष्ट अभिनय (स्त्री) अशी 07 वैयक्तिक बक्षिसे देण्यात येणार आहेत. 
ही स्पर्धा सर्व रसिकांसाठी खुली राहणार असून तरी सर्वांनी सहभाग नोंदवून एकांकिका स्पर्धेची शोभा वाढवावी, असं आवाहन अध्यक्ष ज्येष्ठ कवी व लेखक बशीर परवाज़ यांनी केलं आहे.
