राष्ट्रवादी महिला आघाडी आणि डॉक्टर विभाग यांचा संयुक्त उपक्रम
सोलापूर : युगपुरुष छत्रपती शिवाजी महाराजांच्या जयंतीनिमित्त शहर राष्ट्रवादी काँग्रेस महिला आघाडी कार्याध्यक्ष चित्रा कदम, डॉक्टर सेल विभाग अध्यक्ष महेश वसगडेकर यांनी शिवजयंती आणि राष्ट्रसंत गाडगे महाराज यांच्या जयंतीच्या निमित्ताने रविवारी समाजामधील कर्तृत्ववान समाज सेवकांचा शाल, फेटा, श्रीफळ आणि सन्मानचिन्ह देऊन गौरवण्यात आले.
राष्ट्रवादी कॉंग्रेस पक्षाचे राष्ट्रीय अध्यक्ष तथा राज्याचे उपमुख्यमंत्री अजित पवार, प्रदेशाध्यक्ष खा. सुनील तटकरे यांच्या संकल्पनेतून राष्ट्रवादी काँग्रेस पार्टीच्या महिला आघाडी प्रदेशाध्यक्ष तथा राज्य महिला आयोग अध्यक्ष रूपाली चाकणकर, महिला निरीक्षका दिपाली पांढरे तसेच डॉक्टर सेल विभागाचे प्रदेशाध्यक्ष बाळासाहेब पवार यांच्या मार्गदर्शनाखाली हा स्वराज्य सप्ताह साजरा होतोय. 
राष्ट्रवादी काँग्रेस पार्टी शहर जिल्हाध्यक्ष संतोष पवार, कार्याध्यक्ष जुबेर बागवान, प्रदेश उपाध्यक्ष आनंद चंदनशिवे यांच्या शुभहस्ते तसेच विचारपीठावरील मान्यवरांच्या सर्व प्रमुखांच्या उपस्थितीत छत्रपती शिवाजी महाराज, भारतरत्न डॉ. बाबासाहेब आंबेडकर आणि राष्ट्रसंत गाडगे महाराज यांच्या प्रतिमांना पुष्पहार घालून कार्यक्रमाचा शुभारंभ करण्यात आला. यानंतर समाजामध्ये उल्लेखनीय कार्य करणाऱ्या कर्तृत्ववान ९ समाजरत्नांना शाल, फेटा, श्रीफळ आणि सन्मान चिन्ह देऊन गौरवण्यात आलं. 
पुरस्कार विजेते सत्कारमूर्ती पुढीलप्रमाणे आहेत.
* अनिता गवळी
* विजया नागनाथ स्वामी
* सुरेखा पडसलगी
* संगीता देशपांडे
* स्मिता पाठक
* शशिकला कस्पटे
* पांडुरंग वाघमारे
* वैभव जवळकोटे
* लक्ष्मी आठवले
त्याचसोबत महिलांच्या मनोरंजनासाठी संगीत खुर्ची कार्यक्रमाचं आयोजन करण्यात आलं होतं, या स्पर्धेत स्मिता पाठक यांनी प्रथम क्रमांक पटकाविला, तर लक्ष्मी आठवले यांना द्वितीय तर विजया स्वामी यांनी तृतिय क्रमांक मिळाला.
या स्पर्धेतील प्रथम विजेत्या स्पर्धकास पैठणी द्वितिय विजेत्या स्पर्धकास सेमी पैठणी व सहभागी स्पर्धकास वस्तू रुपात सप्रेम भेट देण्यात आली.
याचसोबत सोलापूर ते रायगड सायकलवर प्रवास करून आजच्या पिढी समोर वेगळा आदर्श निर्माण करणाऱ्या धैर्य गोरे याचा ही विशेष सन्मान या कार्यक्रमात करण्यात आला.
प्रास्ताविकात महिला आघाडी कार्याध्यक्ष चित्रा कदम यांनी त्यांच्या भाषणात रूपाली चाकणकर व दिपाली पांढरे यांच्या मार्गदर्शनाखाली राष्ट्रवादी काँग्रेस पार्टी शहर महिला आघाडी अतिशय चांगल्या पद्धतीने काम करीत आहे. त्याचाच भाग म्हणून विविध क्षेत्रातील उल्लेखनीय कार्य करणाऱ्या महिलांचा व समाजसेवकांचे प्रोत्साहन वाढवण्यासाठी या पुरस्काराचे आयोजन करण्यात आले असल्याचे सांगितले. 
शहर-जिल्हाध्यक्ष संतोष पवार, कार्याध्यक्ष जुबेर बागवान, प्रदेश उपाध्यक्ष आनंद चंदनशिवे यांनी पुरस्कार त्यांना पुढील वाटचालीस शुभेच्छा दिल्या.
याप्रसंगी जनरल सेक्रेटरी प्रमोद भोसले, महेश निकंबे, अल्पसंख्याक विभाग अध्यक्ष अमीर शेख, सामाजिक न्याय विभाग अध्यक्ष अनिल बनसोडे, दक्षिण विधानसभा अध्यक्ष श्रीकांत वाघमारे, सहकार सेल विभाग अध्यक्ष भास्कर आडकी, सोशल मीडिया विभाग शहराध्यक्ष वैभव गंगणे, राजश्री कांबळे, वैद्यकीय मदत कक्ष प्रमुख बसवराज कोळी, डॉक्टर सेल जिल्हाध्यक्ष डॉ. विक्रम बसरगी, डॉ. बबन कांबळे , पत्रकार संतोष कासे, अमर साळुंखे, अशोक साळुंखे, सुनीता जाधव, डॉ. प्रीतम कांबळे, डॉ. प्रशांत राठोड, रितेश कांबळे, भीमा रसाळकर, विजय वाघमारे, कल्पना पांढरे, महिला आघाडी सुरेखा घाडगे, शोभा गायकवाड, जाधव, सरोजिनी जाधव, यांच्यासह सर्वच प्रमुख पदाधिकारी कार्यकर्ते मोठ्या संख्येने उपस्थित होते.
