वैद्यकीय शिक्षण मंत्री हसन मुश्रीफ यांना दिले निवेदन
सोलापूर : राष्ट्रवादी काँग्रेस पार्टीचे नेते राज्याचे वैद्यकीय शिक्षण मंत्री हसन मुश्रीफ आज सोलापूर दौऱ्यावर आले असता, सोलापूर शहर राष्ट्रवादी काँग्रेस पार्टीच्या वतीने जिल्हाध्यक्ष संतोष पवार कार्याध्यक्ष जुबेर बागवान यांनी राष्ट्रवादी काँग्रेस पार्टी सोलापूर शहरच्या वतीने शाल पुष्पगुच्छ देऊन सत्कार करण्यात आला. यावेळी श्री छत्रपती शिवाजी महाराज सर्वोपचार रूग्णालय आणि वैद्यकीय महाविद्यालय येथे नवीन एमआरआय मशीन देण्याच्या मागणीचं निवेदन राष्ट्रवादीचे जिल्हाध्यक्ष संतोष पवार आणि कार्याध्यक्ष जुबेर बागवान यांच्या नेतृत्वाखाली वैद्यकीय शिक्षण मंत्र्यांना देण्यात आले.
सोलापूर शहर हे कामगार-कष्टकरी मध्यमवर्गीयांचे शहर असून शासकीय रुग्णालयात उपचार घेणाऱ्या रुग्णांची संख्या खूप मोठ्या प्रमाणात आहे. सर्वोपचार रुग्णालयातील MRI मशीन कालबाह्य झाल्यामुळे समस्या बनलीय. त्यामुळे शासकीय रुग्णालयात नवीन तंत्रज्ञान असलेली MRI मशीनची अत्यंत गरज असून त्याकरिता नवीन एम आर आय मशीन उपलब्ध करून द्यावी, अशी मागणी एका निवेदनाद्वारे करण्यात आलीय.
त्याचबरोबर सोलापूर शहरातील अनेक उद्योगपती सीएसआर फंडातून शासकीय रुग्णालयात सुविधा उपलब्ध करून देण्याकरिता इच्छुक असून त्याकरिता शासनाची मान्यता लागते. या मान्यतेसाठी दिरंगाई होत आहे, तरी तातडीने संबंधित अधिकाऱ्यांना सूचना करून सीएसआर फंड वापरण्याकरिता मान्यता मिळवून द्यावी अशा आशयाची दोन निवेदने वैद्यकीय शिक्षण मंत्री मुश्रीफ यांना देण्यात आली.
त्यांनी तात्काळ अधिष्ठाता संजीव ठाकूर यांना सूचना दिल्या. सीएसआर फंड वापरण्याची मागणी असेल तर प्रस्ताव पाठवून द्यावेत, त्याला शासनाकडून तात्काळ मान्यता दिली जाईल, तसेच नवीन एम आर आय मशीनसाठी ही प्रस्ताव द्यावा डीपीडीसी किंवा राज्य शासनाच्या निधीतून लवकरात लवकर एम आर आय मशीन उपलब्ध करून दिले जाईल, असे आश्वासन त्यांनी यावेळी दिले.
याप्रसंगी अल्पसंख्यांक प्रदेश कार्याध्यक्ष वसीम बुऱ्हाण, ज्येष्ठ नेते शफी इनामदार, जनरल सेक्रेटरी प्रमोद भोसले, महिला अध्यक्ष संगीता जोगदनकर, कार्याध्यक्ष चित्रा कदम, अॅड. सलीम नदाफ, युवक कार्याध्यक्ष तुषार जक्का, संघटक दत्तात्रय बडगंची, युवती अध्यक्ष किरण माशाळकर, सेवादल अध्यक्ष प्रकाश जाधव, अल्पसंख्यांक अध्यक्ष आमिर शेख, कार्याध्यक्ष संजीव मोरे, वाहतूक आघाडी अध्यक्ष इरफान शेख, वैद्यकीय सेवा अध्यक्ष बसवराज कोळी, सोशल मीडिया अध्यक्ष वैभव गंगणे, दक्षिण विधानसभा महिला अध्यक्ष प्रिया पवार, कार्याध्यक्ष कांचन पवार, प्रकाश झाडबुके, आयुब शेख, मोहीन मुल्ला किरण शिंदे, मनोज शेरला, सामाजिक न्याय विभाग कार्याध्यक्ष अनिल बनसोडे, जाहीर शेख, किरण आवताडे आदी उपस्थित होते.
