खतासंबंधी अडचणी असल्यास शेतकरी 'या' व्हॉटस् अॅप क्रमांकावर करू शकतील तक्रार

सोलापूर: जिल्ह्यातील शेतकऱ्यांनी  बियाणे, रासायनिक खते, किटकनाशके आदी कृषि निविष्ठा खरेदी करते वेळेस ज्यादा दराने विक्री करणे, खरेदीची पावती न देणे, एका निविष्ठेसोबत दुसरी निविष्ठा खरेदीसाठी सक्ती करणे, (लिकिंग) निविष्ठा उपलब्ध असतानाही विक्री न करणे, मुदतबाह्य निविष्ठा विक्री करणे इत्यादी स्वरुपाच्या तक्रारी संबंधाने कृषि विभागाचा  जिल्हास्तरावर 7219286928 हा व्हॉटस्अॅप नंबर सुरु करण्यात  आला असल्याची माहिती जिल्हा अधिक्षक कृषि अधिकारी दत्तात्रय गावसाने यांनी कळविलंय.

शेतकऱ्यांना अडचणी आल्यास त्यांनी नमूद व्हॉटस्अॅप क्रमांकावरती आपल्याकडील ठोस पुराव्यासह तक्रार करावी. त्यावर शहानिशा करुन आवश्यक ती कारवाई करणेत येईल, असेही अधिक्षक कृषि अधिकारी दत्तात्रय गावसाने यांनी कळविले आहे.