सोलापूर : शहरातील सलगर वस्ती व विजापूर नाका पोलीस ठाणे हद्दीतील सराईत गुन्हेगार राजु पंडीत हत्तुरे (वय २७ वर्षे, रा. सेटलमेंट फ्रि कॉलनी नं.०२, सोलापूर) मागील काही वर्षापासून सातत्याने घातक शस्त्राचा वापर करुन गैरकायद्याची मंडळी जमविणे, दगडफेक करणे, खंडणी मागणे, जबरी चोरी, स्वेच्छेने दुखापत करणे, तडीपार आदेशाचे भंग करणे असे गंभीर स्वरुपाचे गुन्हे दाखल असल्याने त्यास एमपीडीए अन्वये स्थानबद्ध करण्यात आले.
सराईत गुन्हेगार राजु पंडीत हत्तुरे याच्याविरुध्द गंभीर स्वरुपाचे एकुण ०५ गुन्हे सोलापुर शहरात दाखल आहेत. त्याचे या गुन्हेगारी कृत्यामुळे सोलापुर शहरातील नागरीकांचे दैनंदिन जीवन विस्कळीत होऊन, सार्वजनिक सुव्यवस्थेस बाधा निर्माण झाली आहे. राजु पंडीत हत्तुरे याच्या गुन्हेगारी कृत्यामुळे, त्याची सोलापुर शहरातील व्यापारी व सामान्य नागरीकांमध्ये दहशत असून, त्याच्याविरुध्द सामान्य नागरीक उघडपणे पोलीसांना माहीती देत नाहीत.
राजु पंडीत हत्तुरे यास त्याच्या गुन्हेगारी कारवायापासून परावृत्त करण्यासाठी सन २०१७ मध्ये क. ११० (ई) (ग) फौ.प्र.सं अधिनियमानुसार व सन २०२३ मध्ये क.५६ (१) (अ) (व) महाराष्ट्र पोलीस अधिनियम अन्वये प्रतिबंधक कारवाया करण्यात आल्या होत्या. त्यानंतरही त्याच्या वर्तनात कोणताच बदल झाला नाही, त्याने सार्वजनिक सुव्यवस्थेस बाधा होईल, अशी गुन्हेगारी कृत्य चालू ठेवली. त्यामुळे त्याचे गुन्हेगारी कृत्यास वेळीच प्रतिबंध करण्यासाठी, मा.एम. राज कुमार, पोलीस आयुक्त सोलापुर शहर यांनी, दि.१५ एप्रिल २०२४ रोजी त्याच्याविरुध्द एमपीडीए अधिनियम, १९८१ चे कलम ३ अन्वये स्थानबध्दतेचे आदेश निर्गमित करुन, त्यास स्थानबध्द आदेशाची बजावणी करुन, त्यास येरवडा कारागृह, पुणे येथे दाखल करण्यात आले.
ही कारवाई पोलीस आयुक्त एम. राज कुमार यांच्या मार्गदर्शनाखाली पोलीस उप-आयुक्त (गुन्हे/विशा) डॉ. दीपाली काळे, पोलीस उप-आयुक्त (परिमंडळ) विजय कबाडे, सहाय्यक पोलीस आयुक्त (गुन्हे) प्रांजली सोनवणे, सहाय्यक पोलीस आयुक्त (विभाग-०२) अजय परमार, वरिष्ठ पोलीस निरीक्षक (गुन्हे) सुनिल दोरगे, वपोनि उमाकांत शिंदे (सलगर वस्ती पोलीस ठाणे), पोउपनि विशेंद्रसिंग बायस (गुन्हे शाखा), पोउपनि गोविंद पवार (सलगर वस्ती पोलीस ठाणे), एमपीडीए पथकातील अंमलदार पोहेकॉ-/८३३ विनायक संगमवार, पोहेकॉ/१२५४ सुदीप शिंदे, पोशि/१९१६ अक्षय जाधव, पोशि/६५४ विशाल नवले व सलगर वस्ती पोलीस ठाणेकडील पोलीस अंमलदार सफौ/अतुल न्यामने, पोहेकॉ/१२९३ वाघमारे, पोशि/९३७ कांबळे, पोशि/१७९९ बोरामनीकर, पोशि/६७८ साळुंखे, पोशि/१८८० क्षिरसागर यांनी पार पाडली.
