२ मार्च रोजी बारामती येथे पुणे विभागस्तरीय नमो महारोजगार मेळावा

 विविध आस्थापनांनी रिक्त पदांची माहिती नोंदवण्याचे, तर बेरोजगार युवक आणि युवतींनी त्वरित नोंदणी करण्याचे आवाहन

१०० पेक्षा अधिक कंपन्यांकडून २० हजार रिक्त पदांसाठी घेण्यात येणार मुलाखती

सोलापूर :  मुख्यमंत्री एकनाथ शिंदे यांच्या संकल्पनेतून आणि उपमुख्यमंत्री देवेंद्र फडणवीस, उपमुख्यमंत्री अजित पवार यांच्या मार्गदर्शनाखाली कौशल्य, रोजगार, उद्योजकता व नाविन्यता विभागांमार्फत नोकरी इच्छुक युवक व युवती तसेच नवउद्योजकांच्या कल्पनांना चालना देण्यासाठी विद्या प्रतिष्ठानचे कला वाणिज्य व विज्ञान महाविद्यालय, विद्यानगरी, बारामती, ता. बारामती येथे पुणे विभागातंर्गत पुणे, सोलापुर, सातारा, सांगली, कोल्हापूर जिल्ह्यातील नोकरीइच्छुक युवक व युवतीं करिता नमो महारोजगार मेळाव्याचे २ मार्च रोजी आयोजन करण्यात आले आहे. तरी सोलापूर जिल्ह्यातील जास्तीत जास्त बेरोजगारी वतीने या मेळाव्यासाठी नोंदणी करण्याचे आवाहन कौशल्य विकास कार्यालयाचे सहाय्यक आयुक्त हणमंत नलावडे यांनी केले आहे.

या मेळाव्यात १०० पेक्षा जास्त नामाकिंत उद्योजकांनी सहभाग दर्शविलेला आहे. या मेळाव्यात त्यांच्याकडून २० हजार पेक्षा अधिक रिक्तपदे अधिसूचित करण्यात आली आहेत. ही सर्व रिक्त पदे १० वी, १२ वी, ड्रायव्हर, पदवीधर, एमएस्सी, बी.कॉम, डिमई, बीबीए, एमबीए, एम.फार्म, कोणत्याही शाखेचा आटीआय, डिप्लोमा, ट्रेनी इंजिनिअर अशा विविध पात्रताधारक उमेदवारांसाठी असून पुणे विभागातील जास्तीत जास्त नोकरी इच्छूक उमेदवारांना या रोजगार मेळाव्याच्या माध्यमातून नोकरीच्या विविध संधी उपलब्ध करून देण्यात येत आहेत.

 तसेच स्टार्टअप एक्सपोचे देखील आयोजन करण्यात आले असून हा मेळावा दि. ०२ मार्च २०२४ रोजी आयोजित करण्यात आला आहे.  मेळावा हा सकाळी १० ते सायंकाळी ५ या वेळेत होईल. या मेळाव्यात नोकरी इच्छुक युवक-युवती यांनी मुलाखतीसाठी आणि महाएक्सपो मध्ये स्टार्टअप्स, इनोव्हेटर्स, इनकुबेटर्स या सर्वांनी देखील या मेळाव्यामध्ये सहभागी होण्याचे आवाहन सहायक आयुक्त नलावडे यांनी केले आहे.

संकेतस्थळाला भेट देऊन उमेदवार नोंदणी व नोकरीकरिता अर्ज करून प्रत्यक्ष मुलाखतीसाठी उपस्थित राहू शकतात. एकापेक्षा अधिक नोकरीसाठी देखील उमेदवाराला अर्ज करता येईल, प्रत्यक्ष मुलाखती देता येतील. रोजगार मेळाव्यात सहभागी होणा-या उमेदवारांनी मेळाव्याच्या अगोदर पोर्टलवर नोंदणी करणे आवश्यक आहे. व ज्या उमेदवारांची

 https://rojgar.mahaswayam.gov.in 

या वेब पोर्टलवर नोंदणी नसेल अशा उमेदवारांची नमो महारोजगार मेळावाच्या ठिकाणी प्रत्यक्ष नोंदणी करून अशा उमेदवारांचे देखील मेळाव्याच्या दिवशी मुलाखतीस उपस्थित राहून मुलाखत देवू शकतील. या माध्यमातून दोन लाख युवक आणि युवतींना रोजगार देण्याचा राज्य व जिल्हा प्रशासनाचा मानस आहे. यामुळे सर्व विभागांनी मिळून हा रोजगार मेळावा यशस्वी करण्यासाठी प्रयत्न करावेत. 

नमो महारोजगार मेळाव्याकरिता जास्तीत जास्त संधी उपलब्ध होण्याकरिता कौशल्य विकास विभागांतर्गत महाराष्ट्र राज्य कौशल्य विकास सोसायटी, महाराष्ट्र राज्य नाविन्यता सोसायटी, व्यवसाय शिक्षण व प्रशिक्षण संचालनालय, जिल्हा लघुउद्योग केंद्र सोलापुर तसेच उद्योग व कामगार विभाग सोलापुर यांना विविध कंपन्याशी संपर्क साधून रिक्त पदे अधिसूचित करण्याबाबत जिल्हाधिकारी कुमार आर्शिवाद यांनी निर्देश दिलेले आहेत.

पुणे विभागातंर्गत पुणे, सोलापुर, सातारा, सांगली, कोल्हापुर जिल्ह्यातील सर्व शासकीय, निमशासकीय, खाजगी आस्थापनांनी

 https://rojgar.mahaswayam.gov.in 

या वेब पोर्टलवर उद्योजक नोंदणी करून रिक्त पदे अधिसूचित करणे आवश्यक आहे. याबाबत काही अडचण असल्यास सोलापूर जिल्ह्यातील नोडल अधिकारी यांच्याशी किंवा 0217- 2950956 या हेल्पलाईन क्रमांकावर संपर्क साधावा, तसेच उमेदवारांनी या नमो महारोजगार मेळाव्यास मुलाखतीस (वॉक-इन-इंटरव्ह्यूव) येताना सोबत आपली सर्व शैक्षणिक कागदपत्रे, पासपोर्ट आकाराची छायाचित्रे, आवश्यकतेनुसार अर्ज (बायोडाटा) व आधारकार्डाच्या छायाकिंत प्रती सोबत आणाव्यात.   तरी सोलापुर जिल्हायातील अधिकाधिक उमेदवारांनी या सुवर्णसंधीचा लाभ घेण्याचे आवाहन नलावडे  यांनी केलं आहे.