सोलापूर : ४९ व्या कोल्हापूर परिक्षेत्रीय पोलीस क्रीडा स्पर्धा - २०२३ चे उद्घाटन पोलीस आयुक्त डॉ. राजेंद्र माने साहेब यांच्या शुभहस्ते पोलीस मुख्यालयाच्या मैदानावर मंगळवारी सकाळी मोठ्या उत्साही आणि जल्लोषमय वातावरणात पार पडला होता. बुधवारी, ०६ डिसेंबर रोजी मशाल ज्योत प्रज्वलित करून सर्व खेळाडूंना शुभेच्छा देण्यात आल्या.
मंगळवारी, ०५ ते १० डिसेंबर या कालावधीत पोलीस मुख्यालय सोलापूर शहर व पोलीस मुख्यालय सोलापूर ग्रामीण येथे आयोजित स्पर्धेत पुणे ग्रामिण, सातारा, सांगली, कोल्हापूर, सोलापूर शहर व सोलापूर ग्रामीण या घटकांमधील एकुण ९०० पोलीस खेळाडू यांनी सहभाग घेतला आहे.
सदर स्पर्धेत मैदानी क्रिडा प्रकार जलतरण, खो-खो, कबड्डी, व्हॉलीबॉल, हॅन्डबॉल, फुटबॉल, हॉकी या स्पर्धा होणार असून या स्पर्धेसाठी सोलापूर जिल्ह्यातील दुर्मिळ असे माळढोक पक्षाचे ४९ व्या कोल्हापूर परिक्षेत्रीय पोलीस क्रीडा स्पर्धा-२०२३ (शुंभकर/मसकॉट) चे प्रमुख पाहुण्यांच्या हस्ते अनावरण करुन आकाशात फुगे सोडून हा उद्घाटन कार्यक्रम सोहळा पार पडला. पुरुष-महिला गटांचे ८०० मीटर धावणे स्पर्धेचे प्रमुख पाहुणे यांच्या हस्ते नारळ फोडून स्पर्धेला सुरुवात केली.
बुधवारी, ०६ डिसेंबर रोजी ४९ वी कोल्हापूर परिक्षेत्रीय क्रीडा स्पर्धेत कोल्हापूर परिक्षेत्रातील ६ पोलीस घटकामध्ये फुटबॉल, हँडबॉल, बास्केटबॉल, अॅथलेटिक्स, व्हॉलीबॉल, खो-खो, कब्बडी, इत्यादी खेळांचे सामने झाले.
सदर स्पर्धेदरम्यान पोलीस आयुक्त राजेंद्र माने, पोलीस उप-आयुक्त अजित बोऱ्हाडे, सहा. पोलीस आयुक्त गायकवाड, सहा. पोलीस आयुक्त राजन माने हे प्रत्यक्ष मैदानात हजर राहून खेळाडूंना प्रोत्साहन देत खेळाचा आनंद घेतला.
