मोहोळ तालुका पत्रकार संघाच्या अध्यक्षपदी विष्णू शिंदे तर सचीवपदी कैलास रणदिवे बिनविरोध निवड
लांबोटी : मोहोळ तालुका पत्रकार संघाच्या नुतन पदाधिकारी निवडीची बैठक नुकतीच पार पडली. यामध्ये अध्यक्षपदी विष्णू शिंदे यांची तर सचिवपदी कैलास रणदिवे यांची एकमताने निवड करण्यात आली.
मोहोळ येथे आयोजित करण्यात आलेल्या मोहोळ तालुका पत्रकार संघाच्या नूतन पदाधिकारी निवडीच्या बैठकीच्या अध्यक्षस्थानी सचिव अशोक पाचकुडवे होते. यावेळी नूतन पदाधिकारी निवडण्यात आले. त्यामध्ये अध्यक्षपदी विष्णू शिंदे यांची तर सचिवपदी कैलास रणदिवे यांची एकमताने निवड करण्यात आली. इतर पदाधिकाऱ्यांमध्ये उपाध्यक्षपदी दिव्य मराठीचे किशोर मारकड, राम कांबळे, सचिव कैलास रणदिवे, खजिनदार नसीर मोमीन यांची सर्वानुमते निवड करण्यात आली आहे.
यावेळी माजी अध्यक्ष संजय आठवले, भारत नाईक, बालाजी शेळके, सुभाष शिंदे, राजू शिंदे, दादासाहेब गायकवाड आदींसह पत्रकार उपस्थित होते.
