.jpeg)
अल्पसंख्यांक हक्क दिवस १८ डिसेंबर रोजी
सोलापूर : अल्पसंख्यांक समाजातील नागरिकांना त्यांची संस्कृती, भाषा, धर्म व परंपरा इत्यादीचे संवर्धन करता यावे, यासाठी १८ डिसेंबर हा दिवस जिल्हा पातळीवर प्रतिवर्षी ''अल्पसंख्यांक हक्क दिवस'' म्हणून साजरा करण्यात येणार असल्याचे निवासी उपजिल्हाधिकारी दादासाहेब कांबळे यांनी कळविले आहे.
त्या अनुषंगाने सदर दिवशी जिल्हाधिकारी कार्यालय, सोलापूर यांच्यावतीने अल्पसंख्यांकांना त्यांच्या घटनात्मक आणि कायदेशीर हक्कांबाबत माहिती देण्यासाठी जिल्हाधिकारी कार्यालयात सोमवारी, १८ डिसेंबर .रोजी सकाळी ११.०० वाजता कार्यक्रमाचे आयोजन करण्यात आले आहे. तरी या कार्यक्रमास अल्पसंख्यांक समाजातील नागरिकांनी उपस्थित रहावे, असे आवाहन निवासी उपजिल्हाधिकारी दादासाहेब कांबळे यांनी केले आहे.
