संभव फाउंडेशनकडून अनोखा उपक्रम
सोलापूर : समाजात उपेक्षित असणाऱ्या वारांगनासोबत यंदाची दिवाळी साजरी करून संभव फाउंडेशनने अनोखी भाऊबीज साजरी करत दिवाळी मोठ्या उत्साहात साजरी करण्यात आला. 'संभव' आहे तर संभव आहे, अशा अनोख्या उपक्रमाने भाऊबीजेच्या पुर्वसंध्येला दिवाळी साजरी केली.
देहविक्रीत अंधाऱ्या आयुष्य कंठत असलेल्या महिलांसोबत संभव फाउंडेशनने एक दिवा समतेचा वारांगनाच्या दारात लावून उजेडाचं कवडसे देण्याचा प्रयत्न केला.
सोलापुरातील जणू रेड लाईट म्हणून पाहिला जात असलेला तरटी नाका... ! तरटी नाका परिसरातील देहविक्रय करणाऱ्या वारांगनासोबत भाऊबीज साजरी करून उपस्थित महिलांना शुभेच्छा देण्यात आल्या. कार्यक्रमाचे उद्घाटन पोलिस उपायुक्त डॉ. दिपाली काळे मॅडम यांच्या हस्ते झाले साहित्यिक समीर गायकवाड व सपना रांभीया, डॉ. प्रमोद काळे यांची प्रमुख उपस्थिती होती.
मान्यवरांच्या उपस्थितीत वारांगनाच्या दारात दिवा लावून उपस्थित महिलांना दिवाळीचा फराळ, साडी, मिठाई भेट देत त्यांच्यासोबत भुईचक्कर, झाड, फुलबाजा, असे फटाके उडवत उपस्थित शुभेच्छा देण्यात आल्या. यंदाच्या दिवाळीत 'एड्स' वर जनजागृतीचा संदेश देण्यात आला होता. जनजागृतीचे पोस्टर प्रदर्शन करून सामाजिक संदेश यावेळी देण्यात आला.
कार्यक्रम यशस्वी करण्यासाठी संभव फाउंडेशनचे अध्यक्ष आतिश सिरसट, क्रांती महिला संघाच्या रेणुका जाधव, आकाश बनसोडे, चेतन लिगाडे, गणेश पवार, पवन व्हनकवडे, तुषार आवताडे, अनिकेत गायकवाड, प्रेरणा बनसोडे, अमोल रामनवरे, विशाल घंटे, सुकन्या रामनवरे, गजल शेख, आतिश सोनवणे, शैलेश आवळे, रवी सोनकांबळे, महेश शिवशरण, संतोष माने आदींची उपस्थिती होती. सदर कार्यक्रमाचे सूत्रसंचालन विशाल घंटे यांनी तर पवन व्हनकवडे यांनी सर्व उपस्थितांचे आभार मानले.
