सोलापूर : भीम आर्मी सामाजिक संघटनेच्या नूतन सोलापूर शहर अध्यक्ष म्हणून विशाखा उबाळे यांची वर्णी लागली आहे. महाराष्ट्र अध्यक्ष सीताराम गंगावणे यांनी त्यांची भीम आर्मी शहराध्यदाची नियुक्ती केली. विशाखा उबाळे यांनी अन्यायग्रस्त वंचित पीडित घटकांसाठी प्रशासन दरबारात नेहमीच आवाज उठवून न्याय मिळवून देण्याची भूमिका पार पाडली आहे. वरिष्ठ पदाधिकाऱ्यांनी या कार्याची दखल घेऊन त्यांच्यावर शहराध्यक्ष पदाची धुरा सोपविली आहे.
विशाखा उबाळे यांनी भीम आर्मी संघटनेमध्ये २०१९ मध्ये प्रवेश केला. आजतागायत अनेक आंदोलनात सक्रिय सहभाग राहिला आहे. विशाखा यांची कर्यशैली आगळीवेगळी असून त्यांनी आज पर्यंत अनेक प्रश्नांवर अन्यायग्रस्त, वंचित-पीडित घटकांसाठी प्रशासन दरबारी नेहमीच आवाज उठवून न्याय मिळवून देण्याची भूमिका पार पाडली आहे.
विशाखा यांच्याकडे यापूर्वी शहर सचिव हे पद होते, त्या पदाला इत्यंभूत न्याय देण्याचे काम त्यांनी आजवर प्रामाणिकपणे केले. सोलापुरात ठिकठिकाणी आंदोलने झाली, त्यात पूर्णपणे झोकून देऊन त्यांनी काम केले. सोलापुरातील भीम आर्मी मधील संघटना वाढीसाठी संघटनेतील नेहमीच एक अग्रेसर चेहरा म्हणून ओळखला गेला आहे. या निवडीनंतर त्यांच्यावर सर्वच स्तरातून शुभेच्छांचा वर्षाव होत आहे.
महिला सक्षमीकरणासाठी काम
भीम आर्मी संघटनेच्या माध्यमातून विशाखा उबाळे यांनी नेहमीच सामाजिक प्रश्नांसह महिला सक्षमीकरणासाठी काम करत आल्या आहेत. संघटनेच्या माध्यमातून त्यांनी आजवर महिलांना लघु उद्योग, बचतगट असो अथवा महिलांसाठी असलेल्या सर्व शासकीय योजनांची माहिती करून देणे व त्यांचा लाभ मिळवून देणे अशा विविध प्रकारच्या कामातून व महिला कशा स्वावलंबी होतील, त्यांचं सक्षमीकरण होईल, याकडे नेहमीच त्यांचा कल राहिला आहे.
पदाची धुरा इमाने-इतबारे पार पाडेन : विशाखा उबाळे
२०१९ पासून मी भीम आर्मी संघटनेत कार्य करीत आहे. अनेक आंदोलनात सक्रिय सहभाग नोंदवून संघटनेचा एक परिपूर्ण सदस्य बनण्याचा मी नेहमीच प्रयत्न केला आहे. संघटनेतला सक्रिय सहभाग पाहता, या कार्याची दखल घेत माझ्यावर सोलापूर शहर सचिव पदाची जबाबदारी देण्यात आली होती. त्या माध्यमातून समाजात असणाऱ्या विविध प्रश्नांवर मुद्द्यांवर आम्ही संघटनेच्या वतीने कार्यक्रम आंदोलन करत चळवळ कायम ठेवण्याचे काम केले. आज देखील माझ्या कामाची दखल वरिष्ठांनी घेऊन मला सोलापूर शहर अध्यक्ष पदाची धुरा सोपवली असून यापुढे देखील संघटनेचे काम इमाने इतबारे करत राहीन, अशी भावना विशाखा यांनी व्यक्त केली.
