मुंबई : राज्याच्या राजकीय वर्तुळातून दुःखद बातमी समोर आली आहे. ज्येष्ठ काँग्रेस नेत्या आणि माजी मंत्री शालिनीताई पाटील यांचे निधन झालं आहे. मृत्यूसमयी त्या 94 वर्षीय होत्या, गेल्या काही काळापासून त्या आजारी होत्या. वृध्दापकाळानं त्यांचं निधन झालं.
शालिनीताई पाटील या माजी मुख्यमंत्री वसंतदादा पाटील यांच्या पत्नी होत्या. त्या गेल्या काही काळापासून आजारी होत्या. त्यांनी मुंबईत माहिम येथील राहत्या घरी अखेरचा श्वास घेतला.
साताऱ्यातील कोरेगांव तालुक्यातील मूळ गावी त्यांच्यावर अंत्यसंस्कार केले जाणार आहे. त्यांच्या निधनाने काँग्रेसवर शोककळा पोहोचली आहे. शालिनीताई यांनी वसंतदादांना खंबीर साथ दिली होती, त्यांनी शनिवारी ईहलोकाचा निरोप घेतला.
मराठा आरक्षणासाठीही उठवला होता आवाज
शालिनीताई पाटील या मंत्री आणि आमदार म्हणून एक सक्षम लोकप्रतिनिधी म्हणून प्रसिद्ध होत्या. त्यांनी मराठा आरक्षणासाठीही आवाज उठवला होता, मात्र त्यांना नेत्यांची आणि जनतेची साथ मिळाली नव्हती.
महाराष्ट्राच्या राजकारणातील वाघीण
शिवसेनाप्रमुख स्व. बाळासाहेब ठाकरे यांनी शालिनीताईंचा उल्लेख महाराष्ट्राच्या राजकारणातील वाघीण असा केला होता, हेही विशेष होतं.
राज्याच्या महसूलमंत्री म्हणूनही पाहिलं होतं काम
शालिनीताई यांनी ए.आर अंतुले यांच्या मंत्रिमंडळात राज्याच्या महसूलमंत्री म्हणून काम पाहिलं होतं.
(माध्यम सौजन्य)
