सोलापूर : शेतकऱ्यांचे प्रश्न आणि त्यांचा आवाज सोशल मीडियावर प्रभावीपणे मांडणारे दक्षिण सोलापूर तालुक्यातील औज गावचे रहिवासी तथा पत्रकार गिरमला धर्मण्णा गुरव यांची सोमवारी, ०१ डिसेंबर रोजी शेतकरी संघटना-सोशल मीडिया, सोलापूर जिल्हा प्रमुख म्हणून निवड करण्यात आलीय.
गिरमला गुरव यांना देण्यात आलेल्या नियुक्तीपत्रात, त्यांच्या सोशल मीडियावरील कर्तव्यनिष्ठ कार्याची, सामाजिक बांधिलकीची, शेतकऱ्यांच्या प्रश्नांबाबत असलेली संवेदनशील ता आणि संघटनेसाठीच्या समर्पित वृत्तीची दखल घेत ही जबाबदारी सोपवण्यात आलीय.
शेतकरी संघटनेचे राष्ट्रीय नेतृत्व रघुनाथ पाटील आणि शेतकरी संघटनेचे प्रदेशाध्यक्ष शिवाजीराव नांदखिले यांच्या मार्गदर्शनाखाली, "शेतीमालाला रास्त भाव" या एककलमी ध्येयासाठी सोशल मीडियावरून प्रभावी जनजागरण करण्याची जबाबदारी गुरव यांच्यावर देण्यात आलीय.
संघटनेने पुकारलेल्या विविध न्यायिक, राजकीय व सनदशीर आंदोलनांना योग्य प्रसिद्धी देण्याचं आवाहनही त्या नियुक्तीपत्रात करण्यात आलं आहे.
या निवडीबद्दल गिरमला गुरव यांचे सर्व स्तरातून कौतुक होतं आहे.
