सोलापूर : येथील एनटीपीसी प्रकल्प स्थळी एनटीपीसीचा 51 वा स्थापना दिवस आणि सुवर्ण महोत्सव अत्यंत उत्साहाने आणि आनंदात साजरा करण्यात आला. कार्यक्रमाची सुरुवात वृक्षारोपणाने झाली, त्यानंतर प्रकल्प प्रमुखांनी एनटीपीसीचा ध्वज फडकावून संस्थेच्या गौरवशाली 50 वर्षांच्या प्रवासाच्या आठवणीवर प्रकाशझोत टाकला.
या प्रसंगी कार्यकारी संचालक (एनटीपीसी सोलापूर) बी. जे. सी. शास्त्री यांनी सर्व कर्मचाऱ्यांना संबोधित करताना संस्थेच्या सुवर्ण प्रवासाचा आढावा घेतला आणि सर्वांना सुरक्षा, गुणवत्ता व नवोन्मेष यांच्या बळावर सतत प्रगती करण्याचे आवाहन केले.
कार्यक्रमादरम्मान 'पॉवर एक्सेल आणि एम्प्लॉयी ऑफ द इयर' पुरस्कार प्रदान करून कर्मचाऱ्यांच्या कठोर परिश्रम व उत्कृष्ट योगदानाचा गौरव करण्यात आला.
याप्रसंगी कार्यकारी संचालक (एनटीपीसी सोलापूर) बी. जे. सी. शास्त्री, मुख्य महाव्यवस्थापक (प्रचालन व अनुरक्षण) एम. के. बेबी, महाव्यवस्थापक (अनुरक्षण व प्रशासन) सुभाष एस. गोखले तसेच सर्व विभागप्रमुख आणि कर्मचाऱ्यांसह अन्य मान्यवरांची उपस्थिती होती.
