माळशिरस : तालुक्यातील दसुर गावच्या सामान्य कुटुंबातील कु. सोनिया शरद कागदे यांनी शैक्षणिक गुणवत्तेच्या जोरावर यश मिळवत नुकतीच महसूल सहायक या पदावर नाशिक येथे त्यांची प्रशासनामार्फत नियुक्ती करण्यात आलेली आहे, त्यांच्या याच यशाबद्दल दसुर गावातून व तसेच संपूर्ण तालुक्यातून सोनियावर अभिनंदनाचा वर्षाव होत आहे.
यावेळी सत्कार करण्यासाठी बळीराजा प्रतिष्ठानचे संस्थापक अध्यक्ष दत्ता मगर मित्र परिवाराच्या वतीने त्यांचा सन्मान व सत्कार करण्यात आला.
यावेळी कागदे कुटुंबाच्या सत्कारासाठी माढा विधानसभा मतदारसंघाचे आमदार अभिजीत पाटील तसेच त्यांच्याबरोबर उमेश परिचारक, जानकर, दत्ता मगर, अभिराज पूर्वत, युवराज अंधारे यांनी आपले मनोगत व्यक्त केले.
या यशाप्रमाणेच गावातील तालुक्यातील, जिल्ह्यातील व संपूर्ण महाराष्ट्रातील समाजातील मुलींनी या यशाचा आदर्श घेऊन उच्चशिक्षणाच्या जोरावर आपल्या आई-वडिलांचा, समाजाचा व गावाचा मानसन्मान वाढवावा, असं आवाहन सर्वच मान्यवरांनी याप्रसंगी केले.
या सत्कार समारंभाच्या कार्यक्रमाला स्थानिक मान्यवर, मित्र परिवार व ग्रामस्थ मोठ्या संख्येने उपस्थित होते.
शब्दांकन : संजय निंबाळकर
