अनुराग कश्यप यांनी स्पष्ट केलं- ‘निशानची’ का आहे सलीम-जावेदच्या क्लासिक कमर्शियल सिनेमा झोनमधली फिल्म ?
अॅमेझॉन MGM स्टुडिओज इंडिया निर्मित निशानची ही वर्ष 2025 मधील सर्वात चर्चेत असलेली आणि प्रेक्षकांच्या प्रचंड प्रतीक्षेत असलेली फिल्म ठरत आहे. चित्रपट प्रदर्शित होण्याआधीच त्याविषयी प्रचंड उत्सुकता निर्माण झाली आहे.
या चित्रपटात प्रेक्षकांना ऐश्वर्य ठाकरे आणि वेदिका पिंटो या नव्या जोडीची केमिस्ट्री पाहायला मिळणार आहे. गँग्स ऑफ वासेपुर सारखा आयकॉनिक क्राइम ड्रामा देणारे प्रसिद्ध दिग्दर्शक अनुराग कश्यप निशानची मधून पुन्हा एकदा त्यांच्या खास स्टोरीटेलिंग स्टाईलमध्ये प्रेक्षकांसमोर येत आहेत. त्यामुळे हा सिनेमा एक प्रचंड प्रभावी क्राइम ड्रामा ठरणार हे निश्चित मानलं जात आहे.
अलीकडील एका मुलाखतीत, जेव्हा अनुराग कश्यप यांना विचारण्यात आलं की गँग्स ऑफ वासेपुरने सलीम-जावेद यांच्या 70-80 च्या दशकातील सिनेमाची झलक कशी दाखवली, आणि का त्यांनी अजूनपर्यंत पूर्णपणे कमर्शियल फिल्म बनवली नाही-यावर त्यांनी दिलखुलास उत्तर दिलं.
कश्यप म्हणाले, "हीच ती फिल्म आहे. मी निशानचीला माझी 'फुल-ऑन सलीम-जावेद झोन'मधली फिल्म म्हणतो, कारण यात सगळं काही आहे – तसाच हिरो, तसंच ड्रामा, आणि सगळ्यात महत्त्वाचं म्हणजे ती पूर्णपणे एक परिणामकारक कथा – जी एक सशक्त क्लायमॅक्सकडे घेऊन जाते. अखेर, एक फिल्म ती पूर्णता देणं गरजेचं असतं."
गँग्स ऑफ वासेपुर आणि निशानची यामध्ये काय फरक आहे, हे सांगताना त्यांनी स्पष्ट केलं – "वासेपुर आणि निशानची या दोन पूर्णपणे भिन्न दुनियेतल्या फिल्म्स आहेत. निशानची ही माझ्या आतून आलेली गोष्ट आहे. ती अधिक वैयक्तिक आहे."
नुकताच रिलीज झालेला “निशानची”चा टीझरही एक जबरदस्त क्राईम ड्रामा असणार याचं वचन देतो. त्यात थ्रिल, अॅक्शन, रोमँस आणि हाई-वोल्टेज ड्रामाचा संपूर्ण मसाला असणार आहे.
चित्रपटातून ऐश्वर्य ठाकरे सिनेसृष्टीत पदार्पण करत आहेत-तेही डबल रोलमध्ये. त्यांची जोडी वेदिका पिंटोसोबत जुळवण्यात आली आहे, आणि ही जोडी सध्या सोशल मीडियावर चर्चेत आहे. “नींद भी तेरी” हे चित्रपटातील गाणं सध्या चाहत्यांमध्ये खूपच ट्रेंड करत आहे, जे पाहून हे स्पष्ट होतं की ही नवीन जोडी प्रेक्षकांच्या पसंतीस उतरते आहे.
चित्रपटाचं दिग्दर्शन अनुराग कश्यप यांनी केलं आहे, तर निर्मिती अजय राय आणि रंजन सिंह यांनी जार पिक्चर्स व फ्लिप फिल्म्सच्या बॅनरखाली केली आहे. कथा प्रसून मिश्रा, रंजन चंदेल आणि अनुराग कश्यप यांनी एकत्र लिहिलेली आहे. ही कथा दोन भावांभोवती फिरते – जे वेगवेगळ्या वाटा निवडतात आणि त्यांच्या निवडीच त्यांच्या भवितव्यावर ठसा उमटवतात.
चित्रपटात ऐश्वर्य ठाकरे, वेदिका पिंटो, मोनिका पंवार, मोहम्मद ज़ीशान अय्यूब आणि कुमुद मिश्रा महत्त्वाच्या भूमिका साकारत आहेत.
निशानची संपूर्ण भारतात 19 सप्टेंबर रोजी थिएटर्समध्ये प्रदर्शित होणार आहे.
