सोलापूर : येथील सुप्रसिद्ध वकील आणि सोशल कॉलेजच्या वाणिज्य विभागात मर्कंटाइल लॉचे M.Law चे माजी गेस्ट प्राध्यापक ॲड. रझाक एन. शेख यांचं, सोमवारी १४ जुलै रोजी निधन झाले. त्यांच्या निधनाने सोलापूरच्या कायदा आणि शैक्षणिक क्षेत्रात एक मोठी पोकळी निर्माण झाली आहे.
ॲड. रझाक शेख यांनी सोलापूरात वकिली क्षेत्रात आपल्या प्रामाणिक आणि निष्ठावान कार्याने विशेष ओळख निर्माण केली होती. त्यांनी अनेक गुंतागुंतीच्या खटल्यांमध्ये आपली कौशल्यपूर्ण कामगिरी दाखवली तसेच समाजातील सर्व स्तरांतील लोकांना कायदेशीर मदत पुरवली.
त्यांच्या निःस्वार्थ सेवेमुळे ते सर्वसामान्यांमध्ये अत्यंत लोकप्रिय होते. याशिवाय, सोशल कॉलेज वाणिज्य विभागात मर्कंटाइल लॉचे M. Law चे गेस्ट प्राध्यापक म्हणून त्यांनी विद्यार्थ्यांना कायद्याच्या बारकाव्यांचे मार्गदर्शन केले आणि अनेकांना कायदा क्षेत्रात करिअर करण्याची प्रेरणा दिली.
ॲड. रझाक शेख यांचा दफनविधी (सुपूर्द-ए-खाक) सोमवारी सायंकाळी 5 वाजता (बाद असर) सोलापूर येथील मोदी मुस्लिम कब्रस्तान इथं होणार असल्याचं सांगण्यात आलंय.
त्यांच्या निधनाने सोलापूरच्या कायदेशीर आणि शैक्षणिक समुदायाला मोठा धक्का बसला आहे.
ॲड. रझाक शेख यांना जन्नत लाभो व त्यांच्या आत्म्यास शांती लाभो, अशी प्रार्थना त्यांचे सहकारी आणि चाहते करत आहेत. त्यांचे योगदान सोलापूरच्या सामाजिक आणि शैक्षणिक क्षेत्रात कायम स्मरणात राहील.
