आधुनिक महाराष्ट्राचे शिल्पकार स्व. यशवंतराव चव्हाण यांना राष्ट्रवादीचे अभिवादन
सोलापूर : महाराष्ट्राचे शिल्पकार तथा पहिले मुख्यमंत्री स्व. यशवंतराव चव्हाण यांच्या दूरदृष्टीमुळे कृषी आणि औद्योगिकीकरणात आज महाराष्ट्र राज्य आघाडीवर आहे, ते असण्यात चव्हाण साहेबांचं फार मोठं योगदान आहे. त्यांच्याच आदर्श विचारांवर राष्ट्रवादी काँग्रेस पक्षाची वाटचाल पुढे सुरु आहे. त्यांच्या कार्याला आणि स्मृतींना राष्ट्रवादी कॉंग्रेस पार्टीच्या वतीने अभिवादन करतो, असं प्रतिपादन आनंद चंदनशिवे यांनी केले.
सामाजिक, आर्थिक, सांस्कृतिक, शैक्षणिक अशा सर्वच अंगांनी विकासाची पायाभरणी करणारे आधुनिक महाराष्ट्राचे शिल्पकार तथा पहिले मुख्यमंत्री स्व. यशवंतराव चव्हाण यांच्या जयंतीदिनी सोलापूर महानगरपालिका प्रांगणातील स्व. यशवंतराव चव्हाण यांच्या अर्ध पुतळ्यास राष्ट्रवादीचे राज्याचे प्रदेश उपाध्यक्ष आनंद चंदनशिवे यांच्या हस्ते पुष्पहार अर्पण करून विनम्र अभिवादन करण्यात आले. याप्रसंगी आनंद चंदनशिवे बोलत होते.
यावेळी शहर-जिल्हाध्यक्ष संतोष पवार, कार्याध्यक्ष जुबेर बागवान, माजी परिवहन समिती सभापती आनंद मुस्तारे, महिला आघाडी अध्यक्ष संगीता जोगधनकर, जनरल सेक्रेटरी प्रमोद भोसले, प्रज्ञासागर गायकवाड, शहर सचिव दत्तात्रय बनसोडे, सोशल मीडिया शहराध्यक्ष वैभव गंगणे, सोशल मीडिया विभाग उत्तर विधानसभा अध्यक्ष धनंजय जाधव, माणिक कांबळे, अनिस शेख यांची उपस्थिती होती.
