सोलापूर : येथील राष्ट्रवादी पक्षात प्रवेश केलेले बाबा सालार यांनी मुंबईतील राष्ट्रवादी प्रदेश कार्यालयात प्रदेशाध्यक्ष सुनील तटकरे यांची शुक्रवारी, भेट घेऊन त्यांचा शाल घालून सत्कार केला. या भेटीत सोलापूर शहरातील विविध प्रश्नांवर चर्चा करण्यात आली. यावेळी जिल्हाध्यक्ष संतोष पवार, कार्याध्यक्ष जुबेर बागवान यांची प्रमुख उपस्थिती होती.
आगामी काळात होऊ पाहणाऱ्या सोलापूर महानगरपालिका निवडणुकीच्या पार्श्वभूमीवर शहरातील प्रभागाची पक्षाची स्थिती, विविध विकास कामे व सभासद नोंदणी अभियान या प्रमुख मुद्यावर चर्चा करण्यात आली. प्रदेशाध्यक्ष सुनील तटकरे यांनी बाबा सालार आणि त्यांचे सहकारी यांचे पक्षात स्वागत केले.
याप्रसंगी जिल्हाध्यक्ष संतोष पवार, कार्याध्यक्ष जुबेर बागवान, अल्पसंख्यांक अध्यक्ष अमीर शेख, राष्ट्रवादी काँग्रेस पार्टीचे बाबा सालार आदी उपस्थित होते.
