तीन विधानसभा अध्यक्षांसह विविध पदाधिकाऱ्यांच्या निवडी
सोलापूर : राष्ट्रवादी काँग्रेस पार्टीचे राष्ट्रीय अध्यक्ष अजित पवार यांचे विचार जनसामान्यांपर्यंत पोहोचविण्याकरिता प्रदेशाध्यक्ष सुनील तटकरे काम करीत आहेत. त्यांच्या नेतृत्वाखाली महिला सक्षमीकरण करत महिलांना न्याय देण्याचे राज्याच्या महिला अध्यक्षा रुपाली चाकणकर काम करीत आहेत. त्यांच्या मार्गदर्शनाखाली सोलापूर महिला पक्ष निरीक्षक दिपाली पांढरे यांच्या सूचनेनुसार सोलापूर शहर महिला अध्यक्ष संगीता जोगदनकर कार्याध्यक्ष, चित्रा कदम यांनी ही पदाधिकारी निवड प्रक्रिया पार पाडली.
सुरुवातीस माता रमाई यांच्या प्रतिमेस मान्यवरांच्या शुभहस्ते पुष्पहार घालून कार्यक्रमाला सुरुवात करण्यात आली. पक्ष निरीक्षक दिपाली पांढरे यांच्या शुभहस्ते नूतन महिला पदाधिकाऱ्याना यावेळी नियुक्ती पत्र देण्यात आले.
यावेळी नूतन महिला पदाधिकाऱ्यांना मार्गदर्शन करताना पक्ष निरीक्षक दिपाली पांढरे यांनी, 'पक्ष संघटन वाढीसाठी महत्वपूर्ण योगदान आणि वेळ देणे अपेक्षित आहे. येणाऱ्या काळात उपमुख्यमंत्री अजित पवार यांचे हात बळकट करण्यासाठी राष्ट्रवादी काँग्रेस पार्टीच्या महिला पदाधिकाऱ्यांनी कामाला लागावे, मुख्यमंत्री लाडकी बहीण योजना व शासकीय योजनांचा लाभ गरजू महिलांपर्यंत पोहोचवण्यासाठी विशेष परिश्रम घेणे गरजेचे आहे', असं प्रतिपादन महिला पक्ष निरीक्षक दिपाली पांढरे यांनी यावेळी केले.
याप्रसंगी शहर-जिल्हाध्यक्ष संतोष पवार, कार्याध्यक्ष जुबेर बागवान, माजी परिवहन समिती सभापती आनंद मुस्तारे, सहकार सेल अध्यक्ष भास्कर आडकी, वैद्यकीय मदत कक्ष प्रमुख बसवराज कोळी, उत्तर विधानसभा अध्यक्ष प्रकाश झाडबुके, जनरल सेक्रेटरी प्रमोद भोसले, सेवादल अध्यक्ष प्रकाश जाधव, अल्पसंख्याक अध्यक्ष अमीर शेख, महिला आघाडी अध्यक्ष संगीता जोगधनकर, कार्याध्यक्ष चित्रा कदम, महिला सचिव प्राजक्ता बागल, सुवर्णा झाडे यांच्यासह प्रमुख महिला आघाडी प्रमुख पदाधिकारी कार्यकर्ते मोठ्या संख्येने उपस्थित होते.
कार्यक्रमाचे सूत्रसंचालन सेवादल अध्यक्ष प्रकाश जाधव, प्रस्तावना महिला आघाडी अध्यक्ष संगीता जोगधनकर तर महिला आघाडी कार्याध्यक्ष चित्रा कदम यांनी शेवटी सर्व उपस्थितांचं आभार मानले.
नूतन महिला आघाडी पदाधिकारी नावे खालील प्रमाणे
