महिला आघाडी अध्यक्ष संगीता जोगधनकर यांचा उपक्रम
सोलापूर : शिवजयंतीनिमित्त राष्ट्रवादी काँग्रेस पार्टीच्या वतीने स्वराज सप्ताह निमित्त महिला आघाडी अध्यक्ष संगीता जोगधनकर यांनी समाजातील कर्तृत्वान महिला व महिला सफाई कामगारांच्या सन्मान सोहळ्याचे आयोजन केले होते. या सोहळ्यात समाजातील कर्तृत्ववान महिला व स्वच्छता दूत यांना राष्ट्रमाता जिजाऊ पुरस्कार देऊन सन्मानित करण्यात आले.
प्रारंभी विचारपीठावर उपस्थित प्रमुख पाहुणे सेवानिवृत्त पोलिस उप निरीक्षक जोगधनकर व जिल्हाध्यक्ष संतोष पवार यांच्या शुभहस्ते छत्रपती शिवाजी महाराज यांच्या फोटोस पुष्पहार घालून अभिवादन करण्यात आले. त्यानंतर विचारपीठावरील मान्यवरांचा सत्कार आनंदी वातावरणात पार पडला.
यावेळी जनरल सेक्रेटरी प्रमोद भोसले, माजी परिवहन समिती सभापती आनंद मुस्तारे, महिला आघाडी कार्याध्यक्ष चित्रा कदम, युवक अध्यक्ष सुहास कदम, कार्याध्यक्ष तुषार जक्का, संघटक दत्तात्रय बडगंची, युवती अध्यक्ष किरण माशाळकर, सहकार सेल विभाग अध्यक्ष भास्कर आडकी, सेवादल अध्यक्ष प्रकाश जाधव, डॉक्टर सेल विभाग अध्यक्ष महेश वसगडेकर, दिव्यांग सेल विभाग अध्यक्ष एम. एम. इटकळे, शहर सचिव दत्तात्रय बनसोडे, महिला आघाडी सचिव अर्चना दुलंगे, कामगार आघाडी विभाग अध्यक्ष मार्तंड शिंगारे, कार्याध्यक्ष संजय सांगळे, सोशल मीडिया विभाग शहराध्यक्ष वैभव गंगणे, श्यामराव गांगर्डे, शहर उत्तर विधानसभा प्रकाश झाडबुके, राहुल सामल यांची प्रमुख उपस्थिती होती.
राष्ट्रीय अध्यक्ष अजित पवार, प्रदेशाध्यक्ष खासदार सुनील तटकरे महिला प्रदेशाध्यक्ष तथा राज्य महिला अध्यक्ष रूपाली चाकणकर, सोलापूर निरीक्षक दिपाली पांढरे, शहर जिल्हाध्यक्ष संतोष पवार, कार्याध्यक्ष जुबेर बागवान, ज्येष्ठ नेते यांच्या मार्गदर्शनाखाली सोलापूर शहरामध्ये महिला आघाडी अतिशय चांगल्या पद्धतीने काम करत असून समाजामधील कर्तुत्वान महिलांचा शोध घेऊन तसेच स्वच्छता दूत यांची संपूर्ण माहिती घेऊन योग्य व्यक्तींचा सन्मान व्हावा, त्यांना प्रोत्साहन देऊन त्यांच्या उज्वल भविष्यास शुभेच्छा देण्यासाठी सन्मान पुरस्काराचा हा उपक्रम राबवला आहे, असं प्रास्ताविकात संगीता जोगधनकर यांनी सांगितले.
जिजाऊ सन्मान पुरस्कार प्राप्त कर्तुत्ववान महिला
प्रा. डॉ. अंजना गायकवाड, डॉ. कांचन उकरांडे, डॉ. ललिता पेठकर, सुस्मिता संकल, सौ. वैशाली वाघ, सौ. लतिका साठे, सौ. शोभा मोरे, सुजाता काकडे, कु. प्रियंका जगझाप, निर्मला कांबळे, सुलभा जगझाप, मिनाक्षी जाधव आणि रश्मी मोहोळकर
जिजाऊ सन्मान पुरस्कार स्वच्छतादूत
वंदना थोरात, उषा चंदनशिवे, रेशमा चौधरी, वैशाली मोहन बनसोडे, दीपमाला सर्वगोड, दीपमाला आखाडे, पद्मा जमूल, नागम्मा मुनगल, शोभा अंबादास कापुरे, उषा सावंत, मायादेवी जाणवले, साखरा गायकवाड, रुक्मिणी शिवशरण, शारदा लोखंडे, सुमन कांबळे, सोनाली भीमराव गायकवाड, वैशाली बनसोडे, नागरबाई बनसोडे आणि कुसम चंदनशिवे.
मान्यवरांच्या सत्कार समारंभानंतर मुख्य कार्यक्रमाला सुरुवात करण्यात आली. याप्रसंगी पुरस्कार प्राप्त ललिता पेठकर, अंजना राठोड, सुलभा जगझाप, अंजना गायकवाड यांनी त्यांचे मनोगत व्यक्त करताना संगीता जोगधनकर यांनी प्रोत्साहन पर शाबासकीची थाप म्हणून राष्ट्रमाता जिजाऊ पुरस्कार दिल्याबद्दल कृतज्ञता व्यक्त केली.
यानंतर शहर-जिल्हाध्यक्ष संतोष पवार यांनी त्यांच्या भाषणात शिवजयंतीनिमित्त व स्वराज सप्ताहनिमित्त महिला आघाडी विभागांच्या वतीने घेण्यात आलेल्या स्तुत्य अशा उपक्रमाचे विशेष कौतुक केले. पुरस्कार प्राप्त कर्तृत्वान महिलांना शुभेच्छा दिल्या. कार्यक्रमाचे सूत्रसंचालन प्रकाश जाधव यांनी केलं.
