सोलापूर : महाराष्ट्र शासन, अल्पसंख्याक विभागाच्यावतीने सोलापूर उर्दू घर आणि भारतीय कला प्रसारक ॲकॅडमी, सोलापूर यांच्या संयुक्त विद्यमाने उर्दू दिनानिमित्त मंगळवारी, २५ फेब्रुवारी रोजी सायं. ६.०० वाजता शिवछत्रपती रंगभवन येथे काव्य संमेलन व रंगे गझल कार्यक्रमाचे आयोजन करण्यात आलं आहे. 
या रंगे गझलमध्ये प्रसिध्द पद्मश्री पारितोषिक विजेत्या सोमा घोष व महाराष्ट्राचा महागायक विजेता मोहम्मद अयाज हे आपल्या गझलांनी श्रोत्यांना मंत्रमुग्ध करणार आहेत. काव्य संमेलनात सोलापुरातील प्रसिध्द कवी आपले काव्य सादर करणार आहे. या कार्यक्रमास मोनिका सिंग, सदाशिव दडदुणे, शमीम अब्बास, बशीर परवाझ, संतोष सिंग, आरजू राजस्थानी, शफी शत्तारी व आसिफ इक्बाल उपस्थित राहणार आहे. 
या सांस्कृतिक कार्यक्रमाचे सहप्रायोजक मनोरमा बँक परिवार, सोलापूर तसेच लोक सहभागातून हा सांस्कृतिक कार्यक्रमाचं आयोजन करण्यात आलंय. हा कार्यक्रम सर्वांसाठी खुला व विनामूल्य आहे. तरी सोलापुरातील गझल व काव्य प्रेमी रसिकांनी उपस्थित रहावे, असे आवाहन सोलापूर उर्दू घरचे उपाध्यक्ष तथा उप जिल्हाधिकारी सदाशिव पडदुणे यांनी केलं आहे.
