सोलापूर : जुळे सोलापूर भागातील गोविंदश्री मंगल कार्यालय येथे बुधवारी सायंकाळी जुळे सोलापूर मध्यवर्ती शिवजन्मोत्सव मंडळाची वार्षिक बैठक मंडळाचे विश्वस्त शाम कदम, चेतन चौधरी यांच्या प्रमुख उपस्थितीत पार पडली. या बैठकीत जुळे सोलापूर मध्यवर्ती शिवजन्मोत्सव मंडळाच्या अध्यक्षपदी अमित भोसले यांची एकमताने निवड करण्यात आली.
प्रारंभी छत्रपती शिवाजी महाराज यांच्या मूर्तीस मान्यवरांच्या हस्ते पुष्पहार अर्पण करून कार्यक्रमाची सुरुवात करण्यात आली. कार्यक्रमाचे प्रास्ताविक चेतन चौधरी यांनी केले. या बैठकीत सर्वानुमते जुळे सोलापूर मध्यवर्ती शिवजन्मोत्सव मंडळाच्या अध्यक्षपदी अमित भोसले यांची निवड करण्यात आली. मराठा सेवा संघाचे शिवश्री प्रशांत पाटील बैठकीच्या अध्यक्षस्थानी होते.
मध्यवर्ती मंडळाचे पदाधिकारी पुढील प्रमाणे- कार्याध्यक्ष-कपिल आलाट, उपाध्यक्ष-संकल्प जगदाळे, राहुल महाजन सचिव-अभी मोरे, खजिनदार-समर्थ चुंबळकर, प्रसिद्धी प्रमुख-विश्वनाथ गायकवाड आदींची निवड करण्यात आली.
यंदाच्या वर्षी मंडळाच्या वतीने शिव विचारांची शिवजयंती साजरी करण्यात येणार असून शिवचरित्रावर व्याख्यान छत्रपती शिवाजी महाराजांच्या जीवन चरित्रावर चालता बोलता चा कार्यक्रम महामानवांच्या कार्यावरील वक्तृत्व स्पर्धा महिलांसाठी रांगोळी स्पर्धा आदी उपक्रम आयोजित करण्यात येणार आहेत.
यावेळी बाळासाहेब पाटील, मारुती गोरे, मकरंद भोसले, नवनाथ कदम, सुभाष कदम, वामनराव भोसले, विठ्ठल गरड, अजित घुगे, ईश्वर स्वामी, रविकांत उबाळे, अजित डोके, राहुल माने, विनय देशपांडे, नवनीत कुलकर्णी, निलेश डांगे, नागेश जाधव, विजय सागर, प्रकाश माळगे आदी उपस्थित होते.
