गॅलेक्सी पब्लिक स्कूलचे स्नेहसंमेलन उत्साहात साजरे
सोलापूर : विद्यार्थ्यांना ज्ञान देण्याबरोबरच त्यांच्यातील सुप्त कलागुणांना वाव देण्यासाठी शाळेचं व्यवस्थापकीय मंडळ नेहमीच अग्रेसर आहे. त्यामुळे विद्यार्थ्यांना आपल्या कला-गुणांना सादर करण्यासाठी मंच उपलब्ध होते, तसेच शिक्षणात ही चांगले प्रकारे ज्ञान देऊन मुलांच्या भविष्य घडवित आहे. त्यामुळे या शाळेची उत्तर सोलापूर तालुक्यात पालकांची आपल्या पाल्यासाठी ही शाळा जास्त पसंती आहे, असं प्रतिपादन सिने अभिनेते अमीर तडवळकर यांनी केले.
उत्तर सोलापूर तालुक्यातील मौजे बाणेगांव येथील गॅलेक्सी पब्लिक स्कूलचे वार्षिक स्नेहसंमेलन शाळेच्या प्रांगणात उत्साह आणि जल्लोषमय वातावरणात पार पडले. कार्यक्रमास प्रमुख अतिथी म्हणून सिने व नाट्य अभिनेते अमीर तडवळकर तर अध्यक्षस्थानी मयुरेश्वर फाऊंडेशनचे अध्यक्ष तथा गॅलक्सी पब्लिक स्कूलचे प्रोजेक्ट डायरेक्टर स्वप्निल राऊत होते.
कार्यक्रमाची सुरुवात नटराज व सरस्वती यांच्या प्रतिमेच्या पूजनाने करण्यात आली. तत्पूर्वी पाहुण्यांचे औक्षण करून स्वागत करण्यात आले. सुहास राऊत यांनी मान्यवरांचा सत्कार केला. गॅलक्सी पब्लिक स्कूल हे उत्तर सोलापूर तालुक्यात पालकांच्या पसंतीची शाळा बनत आहे. भारतातील नामवंत आघाडीच्या 500 शाळांमध्ये सामील होण्याचा या शाळेचा मानस असल्याचं डायरेक्टर स्वप्नील राऊत यांनी आपल्या प्रास्ताविकात सांगितले.
या स्नेहसंमेलनामध्ये विद्यार्थ्यांनी समाजिक विषयावर नाट्यप्रयोग, मराठी-हिंदी गीत, देशभक्ती गीत व काही हास्य नाटके अशा वेगवेगळ्या कलाकृती सदर करून उपस्थितांची दाद मिळविली. यामध्ये खास आकर्षण ठरलेले देशभक्ती गीत आणि हॉरर शो हे जास्त खास आर्कषण ठरले. 
गत आठवड्यात शाळेमध्ये क्रीडा महोत्सवाचं आयोजित करण्यात आलं होतं. यामध्येही विद्यार्थ्यांनी क्रिकेट, लंगडी, बुद्धिबळ, धावणे, लिंबू चमचा अशा विविध क्रीडा प्रकारात भाग घेतला होता. या स्पर्धेत प्रथम, द्वितीय, तृतीय आणि उत्तेजनार्थ प्रमाणपत्र व स्मृतीचिन्ह देऊन विद्यार्थ्यांना उपस्थित मान्यवरांच्या हस्ते गौरविण्यात आले. हे स्नेहसंमेलन व्यवस्थित पार पाडण्यासाठी शाळेतील सर्व शिक्षक व शिक्षकेत्तर कर्मचाऱ्यांनी परिश्रम घेतले.
