सोलापूर : वंचित-बहुजनांच्या मूलभूत हक्कांसाठी बाबासाहेबांनी अतुल्य भूमिका बजावली. एकतेची, समतेची, बंधुत्वाची, न्यायाची शिकवण त्यांनी समस्त मानव जातीला दिली. बाबासाहेबांचे विचार अंगीकारून सर्वांना समान न्याय तसंच विकासाच्या प्रवासात सोबतीनं पुढे घेऊन जाण्यासाठी राष्ट्रवादी काँग्रेस वचनबद्ध आहे, अशा भावना व्यक्त करीत जिल्हाध्यक्ष संतोष पवार, कार्याध्यक्ष जुबेर बागवान यांनी आदरांजली वाहिली.
युगप्रवर्तक, बोधिसत्व, विश्वभूषण, महामानव, भारतरत्न डॉ. बाबासाहेब आंबेडकर यांना महापरिनिर्वाण दिनाच्या निमित्तानं राष्ट्रवादी काँग्रेसच्या वतीने माजी नगरसेवक गणेश पुजारी, सामाजिक न्याय विभागाचे अध्यक्ष राजू बेळ्ळेनवरु यांच्या हस्ते पुष्पहार अर्पण करून विनम्र अभिवादन करण्यात आले. याप्रसंगी जिल्हाध्यक्ष संतोष पवार तसेच कार्याध्यक्ष जुबेर बागवान बोलत होते.
