सोलापूर : कित्तूरच्या राणी चेन्नमा यांनी इ.स. 1824 मध्ये ईस्ट इंडिया कंपनीच्या 20,000 सैनिकांचा पराभव केला होता. वीर राणी कित्तूर चेन्नम्माच्या ऐतिहासिक विजयाच्या 200 व्या विजयोत्सव साजरा होतोय. राणी चेन्नमा ब्रिटीशांविरुद्ध बंड केलेल्या पहिल्या महिला स्वातंत्र्य सैनिक होत्या, असं प्रतिपादन जागतिक लिंगायत महासभेचे प्रदेश कार्याध्यक्ष विजयकुमार हत्तुरे यांनी केले.
जागतिक लिंगायत महासभेचे वतीने विजापूर रोड येथे वीर राणी चेन्नम्मा यांची जयंती मोठ्या उत्साहात साजरी करण्यात आली. प्रारंभी धनगर समाजाचे जेष्ठ नेते राधाकृष्ण पाटील यांनी प्रतिमेला पुष्पहार घालून पूजन केले. याप्रसंगी विजयकुमार हत्तुरे बोलत होते. त्यांनी कित्तूरची वीर राणी चेन्नम्मा यांच्या जंयतीनिमित्त शुभेच्छा दिल्या.
याप्रसंगी रमेश हसापुरे, प्रा. चिदानंद सुंठे, एम. एस. मुंडेवाडीकर, अंकुश श्रीनामे, दयानंद शिवयोगी, रुद्रप्पा कांबळे, श्रीशैल प्याडशिंगे, रवी पाटील, नागेश पडूनुरे, संतोष पाटील आदी उपस्थित होते.
