भारताच्या ऑलिंपिक पंढरीत महाराष्ट्रातून एकमेव
सोलापूर : हरियाणा राज्यातील गुरगाँव मध्ये पार पडलेल्या ऑलिंपिक डिस्टन्स ट्रायथॉन स्पर्धेत सोलापूरचे प्रसिध्द अस्थिरोग तज्ञ अभिजित वाघचवरे यांनी अवघ्या तीन तास 30 मिनिटात ही स्पर्धा पार पाडून यश संपादन केले.
रविवारी, 04 ऑगस्ट रोजी भारताची ऑलिंपिक मेडल्स पंढरी म्हणून ओळखल्या जाणार्‍या हरियाणा राज्यातील गुरगाँव मध्ये ही स्पर्धा एचआर 26 या नावाने आयेाजित करण्यात आलेली होती. ऑलिंपिकच्या धर्तीवर स्विमिंग, रनिंग आणि सायकलिंग अशी स्पर्धा घेण्यात आली. देशभरातील विविध राज्यातील या स्पर्धेसाठी 100 स्पर्धक सहभागी झालेले होते.
त्यामध्ये सोलापूरचे सुपुत्र अस्थिरोग तज्ञ डॉ. अभिजित वाघचवरे हे महाराष्ट्रातून एकमेव या स्पर्धेत यश संपादन करणारे ठरले. या स्पर्धेत दीड किलोमीटर स्विमिंग, 40 किलोमीटर सायकलींग आणि दहा किलोमीटर रनिंग या तीन्ही स्पर्धा अवघ्या तीन तास तीन मिनिटात डॉ. अभिजित वाघचवरे यांनी पूर्ण करीत पहिल्या 10 मध्ये येण्याचा मान मिळवला.
सध्या सुरू असलेल्या पॅरिस ऑलिंपिक 2024 मण्से ऑलिंपिक डिस्टन्स ट्रायथॉन स्पर्धेत जे मापदंड लावले जातात, त्यानुसार ही स्पर्धा घेण्यात येते. डॉ. अभिजित वाघचवरे हे नेहमी आपल्या स्पर्धेसाठी सराव कायम करीत असतात, इतर स्पर्धकांनाही सायकलींग, स्विमिंग आणि रनिंगसाठी प्रोत्साहन देऊन मार्गदर्शन करीत असतात.
सरावातील सातत्य महत्वाचे : डॉ. वाघचवरे
अशा स्पर्धामध्ये यश मिळवण्यासाठी सरावामध्ये सातत्य असणे आवश्यक आहे, तसेच माझ्या यशात पिताश्री सत्यवान वाघचवरे, मातोश्री शीला वाघचवरे यांचा नेहमीच पाठींबा असतो. डब्लू एस स्पोटर्स आणि इको चे डॉ. सत्यजित वाघचवरे (अल्ट्रा मॅरेथॉन रनर) हे नेहमी सोबत असतात तर मॅरेथॉन रनर डॉ. राजश्री वाघचवरे आणि डॉ. शुभांगी वाघचवरे या त्यांच्या आहारावर विशेष लक्ष देतात. त्यामुळे आगामी काळातील स्पर्धांसाठी मी नेहमी सज्ज राहीन, असंही डॉ. अभिजित वाघचवरे यांनी सांगितले.
