फिरत्या दवाखान्यातून नागरिकांची आरोग्य तपासणी !
सोलापूर : राज्याचे उपमुख्यमंत्री अजित पवार, प्रदेशाध्यक्ष सुनील तटकरे यांच्या वाढदिवसानिमित्त 'माझा प्रभाग, माझे कुटूंब' आणि 'आरोग्याची वारी, आपल्या दारी' या संकल्पनेतून सोलापूर महानगरपालिका प्रभाग क्र. १० गोंधळी वस्ती येथे राष्ट्रवादी काँग्रेस पार्टीचे शहर जिल्हाध्यक्ष संतोष पवार, कार्याध्यक्ष जुबेर बागवान यांच्या प्रमुख उपस्थितीत महिला समन्वयक शशिकला कस्पटे यांच्या हस्ते या आरोग्य व्हॅन (फिरता दवाखाना) आरोग्य वारीचे गोंधळी वस्ती येथे शुभारंभ करण्यात आला.
ही आरोग्य वारी रंगराज नगर, ए बी सी डी जी एफ ग्रुप, सागर चौक, लक्ष्मी चौक, पोशम्मा मंदिर सर्व प्रभागात नागरिकांपर्यंत जाईल, मोफत आरोग्य तपासणी आणि औषधोपचार केला जाणार आहे. या उपक्रमाचा सर्व नागरिकांनी लाभ घ्यावा, असे आवाहन या आरोग्य वारीच्या शुभारंभ प्रसंगी जिल्हाध्यक्ष संतोष पवार यांनी केले.
या व्हॅनमधे डाॅक्टर, सिस्टर, ब्रदर व औषध गोळ्या, बी. पी. तपासणी, शुगर तपासणी याची सर्व व्यवस्था केली आहे. या उपक्रमांचे आयोजन व्हीजेएनटी शहराध्यक्ष रुपेशकुमार भोसले यांनी केलंय. पिंडीपोल हाॅस्पिटलचे डाॅ. श्रीनिवास पिंडीपोल, त्यांच्या पत्नी डाॅ. सौ. पिंडीपोल व त्यांचे अन्य सहकारी डाॅक्टर यांचा सहभाग आहे.
याप्रसंगी जिल्हाध्यक्ष संतोष पवार, कार्याध्यक्ष जुबेर बागवान, महिला समन्वयक शशीकला कस्पटे, युवती अध्यक्ष किरण माशाळकर, सोशल मिडीया कार्याध्यक्ष सोमनाथ शिंदे, संतोष शिंदे-पाटील, ज्ञानु शिंदे-पाटील, रवि वाघमारे, सनी वाघमारे, मारुती पाचंगे, गोपाळ पाचंगे, नागनाथ पाचंगे, अंबादास वाघमारे, विकी चौगुले, विजय माने, राजू भोसले, लखन गायकवाड,नितीन पाचंगे, दया पाचंगे, ज्ञानेश्वर शिंदे, लक्ष्मण पाचंगे, अंबादास भोसले, प्रेम भोसले, मारुती ईगवे यांच्यासह महिला, युवती, युवक, ज्येष्ठ नागरीक मोठ्या संख्येने उपस्थित होते.
