बेरोजगार संस्थांनी मनुष्यबळ पुरवण्यासाठी सात दिवसात करावेत अर्ज

सोलापूर : जिल्हा कौशल्य विकास, रोजगार व उद्योजकता मार्गदर्शन केंद्र, सोलापूर या कार्यालयात 6 महिन्याच्या कालावधीकरिता बाहययंत्रणेद्वारे कंत्राटी पध्दतीने खालील पदाची सेवा पुरविणाऱ्या नोंदणीकृत कार्यरत बेरोजगार संस्थांकडून मनुष्यबळ उपलब्ध करुन देण्याकरिता दरपत्रक मागविण्यात येत आहे.

काम देणाऱ्या कार्यालयाचे नाव- सहायक आयुक्त, जिल्हा कौशल्य विकास, रोजगार व उद्योजकता मार्गदर्शन केंद्र, सोलापूर. आवश्यक पदाचे नाव – शिपाई, पदांची संख्या-2, अकुशल

तरी जिल्ह्यातील कार्यरत असणाऱ्या व रोजगार व स्वयंरोजगार विभाग शासन निर्णय तसेच कौशल्य विकास व उद्योजकता विभाग शासन निर्णय दिनांक ११ डिसेंबर २०१५ मधील अटी व शर्तीची पूर्तता करणाऱ्या व उपरोक्त पदांची सेवा पुरविण्यास इच्छुक असणाऱ्या बेरोजगाराच्या सेवा सहकारी संस्थांनी आपले दरपत्रक व इच्छापत्र हे वृत्त प्रसिध्द झाल्यापासून ७ दिवसांच्या आत या कार्यालयास सादर करावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राचे सहाय्यक आयुक्त हनुमंत नलावडे यांनी केलं आहे.

अधिक माहितीसाठी जिल्हा कौशल्य विकास, रोजगार व उद्योजकता मार्गदर्शन केंद्र, पार्क चौक, नॉर्थकोट, सोलापूर - ४१३००१ येथे प्रत्यक्ष अथवा दुरध्वनी क्रं. ०२१७-२९५०९५६ द्वारे संपर्क साधावा, असंही सांगण्यात आलंय.