सोलापूर : पक्ष संघटनेत जो प्रामाणिक काम करतो, त्याची दखल पक्षाचे राष्ट्रीय अध्यक्ष तथा राज्याचे उपमुख्यमंत्री अजित पवार घेत असतात. महायुती सरकारमध्ये आपण अतिशय चांगल्या पद्धतीने काम करत आहोत. राष्ट्रवादी पक्ष अन् घड्याळ चिन्ह कायमस्वरूपी आपल्याकडंच आहे, असं प्रतिपादन आमदार यशवंत माने यांनी केले.
जुनी मिल कंपाऊंड द स्क्वेअर मॉल येथील राष्ट्रवादी भवन कार्यालयात शनिवारी, नूतन १४६ पदाधिकाऱ्यांच्या कार्यकारिणीस नियुक्तीपत्र प्रदान सोहळा कार्यक्रम जिल्हा समन्वयक आमदार यशवंत माने यांच्या अध्यक्षतेखाली पडला. यावेळी नूतन पदाधिकाऱ्यांना मार्गदर्शन करताना आमदार माने बोलत होते. याप्रसंगी त्यांनी नूतन पदाधिकाऱ्यांना तसेच सोलापूर शहरवासीयांना होळीनिमित्त शुभेच्छा दिल्या.
व्यासपीठावर ज्येष्ठ नेते हेमंत चौधरी, सुभाष डांगे, महिला शहराध्यक्ष संगीता जोगधनकर, कार्याध्यक्ष चित्रा कदम, फारुख मटके, डॉ. बसवराज बगले, खलील शेख, अमीर शेख, पवनकुमार पाटील यांचीही उपस्थिती होती. उपस्थितांच्या सत्कारानंतर नूतन पदाधिकाऱ्यांना आमदार यशवंत माने यांच्या हस्ते नियुक्तीपत्रं देण्यात आली.
प्रारंभी माजी मुख्यमंत्री स्वर्गीय यशवंतराव चव्हाण यांच्या फोटोस पुष्पहार घालून अभिवादन करण्यात आलं. त्यानंतर कार्याध्यक्ष जुबेर बागवान यांनी प्रास्ताविक केलं. ज्येष्ठ नेते श्रीनिवास कोंडी, माजी आमदार रविकांत पाटील, महिला शहराध्यक्ष संगीता जोगधनकर, माजी गटनेते आनंद चंदनशिवे, प्रदेश उपाध्यक्ष किसन जाधव, जिल्हाध्यक्ष पवार यांनी नूतन पदाधिकाऱ्यांना पुढील यशस्वी वाटचालीसाठी शुभेच्छा दिल्या.
याप्रसंगी बसवराज कोळी, वैभव गंगणे, सोमनाथ शिंदे, अल मेहराज आबादी राजे, धनंजय जाधव, किरण पाठक, शामराव गांगर्डे, तनवीर गुलजार यांच्यासह कार्यकर्त्यांची मोठ्या संख्येने उपस्थिती होती. जनरल सेक्रेटरी प्रमोद भोसले यांनी सर्व उपस्थितांचं आभार मानले.
