फ्लॅट खरेदीसाठी ५० लाख रुपयांची मागणी; ५ जणांविरुध्द गुन्हा दाखल

• सोलापूर : प्लॅट खरेदीसाठी माहेरून पन्नास लाख रूपये घेऊन ये, असा तगादा लावून विवाहितेचा शारीरिक व मानसिक छळ करण्यात आला आहे ही घटना हैदराबाद येथे मे २०२२ ते ऑक्टोबर २०२३ दरम्यान घडली आहे. याप्रकरणी दाखल फिर्यादीनुसार जेलरोड पोलिसांनी सासरच्या पाच जणांविरुद्ध गुन्हा दाखल केलाय.

• याबाबत मिळालेली अधिक माहिती अशी की, येथील दत्त नगरातील रहिवासी सौ. उमा गणेश आडम (वय-२८ वर्षे) हिस तिचा पती गणेश आडम आणि इतरांनी सासरी नांदत असताना तिचा पगार दे, आई वडिलाकडून फ्रीज बुलेट आणि टीव्ही घेऊन ये, असा तगादा लावून संगनमताने शारीरिक व मानसिक छळ केला.
• सौ. उमा, हा छळ निमूटपणे सहन करतेय, हे पाहून सासरच्या मंडळींची अभिलाषा वाढली होती, त्यातूनच त्यांनी फ्लॅट खरेदीसाठी ५० लाख रुपये घेऊन ये असा दगादा लावून छळ सुरू केला होता. सासरच्या मंडळींकडून होत असलेला जाचहाट असह्य झाल्याने तिने माहेर जवळ केले.
• याप्रकरणी सौ. उमा गणेश आडम हिने दाखल केलेल्या फिर्यादीनुसार जेलरोड पोलिसांनी गणेश आडम (पती), अनुराधा आडम (सासू), अंबादास आडम (सासरे), भाग्यलक्ष्मी तेराल (नणंद) आणि नरेंद्र तेराल (नदंवा, सर्व रा-हैद्राबाद) यांच्याविरुद्ध भादवि ४९८ (अ), ३२३,५०४,५०६ प्रमाणे गुन्हा दाखल करण्यात आलाय पोलीस हवालदार कांबळे या गुन्ह्याचा अधिक तपास करीत आहेत.