सोलापूर : महिला सर्वच क्षेत्रात आपलं कर्तृत्व सिध्द करीत आल्या आहेत. त्यांनी कृषि, आर्थिक आणि सामाजिक क्षेत्रात कार्य करीत असताना आपल्या आरोग्याच्या दृष्टीने लक्ष देणं, गरजेचे आहे. त्यांनी जागरूकपणे आपल्या परिवारासाठी योगदान द्यावं, महिला आर्थिकदृष्टय़ा सक्षम होणे, ही आजच्या काळाची गरज आहे, असं प्रतिपादन डॉ. प्राची जाधव यांनी केलं.
जगभरात, ०८ मार्च रोजी जागतिक महिला दिन साजरा होतोय. उत्तर सोलापूर तालुक्यातील कोंडी येथील जिजाऊ ज्ञान मंदिर, संकुलात शुक्रवारी जागतिक महिला दिवस उत्साहात साजरा करण्यात आला. या कार्यक्रमाच्या अध्यक्षस्थानी डॉ. प्राची जाधव होत्या.
कर्तुत्व सिद्ध महिला आणि आदर्श मातांचा सत्कार सोहळ्यास प्रमुख पाहुणे म्हणून उपस्थित असलेल्या अकोलीकाटी च्या सरपंच सौ. अंजली क्षीरसागर यांनी आपल्या मनोगतात आजच्या स्त्रीचे समाजातील स्थान व महत्व विस्तृतपणे मांडून मार्गदर्शन केले. त्याचवेळी कोंडी च्या सरपंच सौ. सुहासिनी निंबाळकर यांनी महिला दिनानिमित्त महत्वपूर्ण माहिती आपल्या मनोगतात व्यक्त केली. याप्रसंगी पालक समितीच्या अध्यक्ष श्रीमती अर्चना खंदारे याही उपस्थित होत्या.
या कार्यक्रमाचे सूत्रसंचालन शेख मॅडम, कुलकर्णी मॅडम यांनी केले. प्रास्ताविक प्राचार्या सुषमा नीळ मॅडम यांनी केले, तर सर्व सत्कारमूर्तींचा परिचय औरादे मॅडम यांनी करून दिला. शेवटी सय्यद मॅडम यांनी सर्व उपस्थितांचे आभार मानले. कार्यक्रमाचे यशस्वी होण्यासाठी शाळेतील सर्व शिक्षक-शिक्षकेतर कर्मचारी यांनी परिश्रम घेतले.
......चौकट .......
... यांचा झाला सत्कार !
या कार्यक्रमामध्ये प्रशालेतील विद्यार्थ्यांच्या कर्तव्य दक्ष व विविध कार्यामध्ये कुशल असणाऱ्या मातांचा सन्मान करण्यात आला. यामध्ये सौ. पूजा सिद्धांना सांगवी, सौ. स्मिता नागेश शिंदे, सौ. प्रीती विशाल बोबडे, सौ. रिझवाना असगर खान, सौ. अर्चना दत्तात्रय गुंड, सौ. संध्या अनिल जाधव, सौ. रोहिणी प्रमोद पवार, सौ. अर्चना सोमनाथ माने, सौ. पुष्पा राजू ताडमली, सौ. अपर्णा श्रीपती पवार, सौ. लक्ष्मी परमेश्वर वाणी, सौ. निलम विजय व्यवहारे, सौ. मीनाक्षी सुनील चव्हाण, सौ. पुष्पा किरण नन्नवरे, सौ. कविता सुभाष जाधव आणि सौ. सुजाता विलास तरटे यांचा आदर्श माता पुरस्कार देऊन सन्मान करण्यात आला.
....................
