२६ जानेवारीला स्पोर्ट्स कल्ब मुंबई येथे होणार सन्मान
सोलापूर : यशवंतराव चव्हाण फाऊंडेशन, मुंबई यांचा यशवंतराव चव्हाण पुरस्कार २०२३ शारदा विद्यापीठ सोलापूर चे अध्यक्ष प्रा.डॉ. राज साळुंखे यांना जाहिर झाला असुन प्रजासत्ताक दिनी म्हणजेच २६ जानेवारी रोजी स्पोर्ट्स क्लब मुंबई येथे हा पुरस्कार प्रदान केला जाणार आहे.
प्रा. डॉ. राज साळुंखे हे गेली १५ वर्षे शैक्षणिक क्षेत्रात आपले योगदान देत असुन त्यांनी आजवर अनेक विद्यार्थ्यांना मार्गदर्शन करुन यशस्वी केले आहे. राष्ट्रीय, आंतरराष्ट्रीय स्तरावर त्यांच्या मार्गदर्शनाची दखल घेतली गेली असुन लंडन विद्यापीठ व मलेशिया येथे त्यांना शैक्षणिक चर्चासत्र व व्याख्याने यासाठी आमंत्रित करण्यात आले होते.
देशभरात अनेक ठिकाणी त्यांना शैक्षणिक चर्चा सत्रे व मार्गदर्शनासाठी नामांकित संस्थांंकडुन आमंत्रित केले जाते. शैक्षणिक क्षेत्रातील त्यांचे कार्य व योगदान लक्षात घेऊन यशवंतराव चव्हाण प्रतिष्ठान, मुंबई यांच्याकडून यावर्षी डॉ. साळुंखे यांना या मानाच्या पुरस्काराने सन्मानित करण्यात येत आहे.
शारदा विद्यापीठाच्या माध्यमातून त्यांनी आजवर अनेक शैक्षणिक परिषदा, महिला सक्षमीकरणासाठी कार्यक्रम, स्पर्धा परीक्षा मार्गदर्शन शिबिरे, स्त्री भ्रूण हत्या विरोधात जागृती अशी अनेक समाजोपयोगी उपक्रम वेळोवेळी राबविले जातात. त्यांच्या या कार्याची दखल घेऊन अनेक सामाजिक व शैक्षणिक संस्थांनी त्यांना अनेक पुरस्काराने गौरविले आहे. पुरस्काराठी निवड झाल्यामुळे सर्व स्तरातून त्यांचे अभिनंदन होत आहे.
या पुरस्कार वितरण समारंभासाठी ठाण्याचे खासदार संजिव नाईक, चेअरमन नवी मुंबई जनकल्याण जया अलिमचंदानी, जिल्हा माहिती आधिकारी ठाणे मनोज सानप, समाजसेविका श्रीमती मेघना काकडे, भरत पाटील प्रमुख म्हणून उपस्थित राहणार आहेत.
