सोलापूर : जिल्ह्यातील सार्वजनिक क्षेत्रातील नियोक्ते तसेच खाजगी क्षेत्रातील आस्थापना नियोक्ते यांनी त्यांच्याकडील कार्यरत मनुष्यबळाचे त्रैमासिक विवरणपत्र (ई-आर-1) दि 31 जानेवारी 2024 पर्यंत कौशल्य विकास, रोजगार व उद्योजकता आयुक्तालयाच्या www.mahaswayam.gov.in या संकेतस्थळावर ऑनलाइन पध्दतीने सादर करावे, असे आवाहन जिल्हा कौशल्य विकास, रोजगार व उद्योजकताचे प्र.सहाय्यक आयुक्त ह. श्री. नलावडे यांनी केले आहे.
सेवायोजन कार्यालये (रिक्तपदे सक्तीने अधिसूचित करणारा) कायदा,1959 व त्याखालील नियमावली 1960 मधील कलम 5 (1) अन्वये त्रैमासिक विवरणपत्र भरणे बंधनकारक आहे.याबाबत काही अडचण असल्यास कार्यालयीन वेळेत दूरध्वनी क्र. 0217-2950956 वर संपर्क साधावा. असेही जिल्हा कौशल्य विकास, रोजगार व उद्योजकताचे प्र.सहाय्यक आयुक्त नलावडे यांनी एका प्रसिध्दी पत्रकान्वये कळविले आहे.