सोलापूर : राज्य उत्पादन शुल्क विभागाच्या पंढरपूर पथकाने सोमवारी पंढरपुरात हातभट्टी दारू वाहतुकीत गुंतलेल्या कारमधून ३६० लिटर हातभट्टी दारू जप्त केलीय. या कारवाईत १८, ४०० रुपये किंमतीच्या हातभट्टी दारूसह एकूण ०१, ९३, ४०० किंमतीचा मुद्देमाल विभागाने हस्तगत करण्यात आलाय.
राज्य उत्पादन शुल्क विभागाकडून अवैध देशी-विदेशी दारू, हातभट्टी दारू, परराज्यातील दारूविरुद्ध सातत्याने कारवाई करण्यात येत आहे. याच मोहिमेच्या अंतर्गत राज्य उत्पादन शुल्क विभागाचे निरीक्षक पंढरपूर किरण बिरादार यांच्या पथकाने सोमवारी, ०१ जानेवारी रोजी दुपारच्या सुमारास पंढरपूर शहराच्या हद्दीत दीनदयाल यासनारायण मंदिराच्या पाठीमागे एका कार क्र. MH 04 CT 5501 मधून ०३,६० लिटर हातभट्टी दारू वाहतूक होताना पकडली. या कारवाईत तानाजी मारुती कदम, (वय-३१ वर्षे, रा. विठ्ठलवाडी विसावा, ता. पंढरपूर) याला ताब्यात घेण्यात आले असून त्याचेविरुद्ध महाराष्ट्र दारूबंदी कायदा १९४९ च्या कलमांतर्गत गुन्हा नोंदविण्यात आला आहे.
या कारवाईत १८, ४०० रुपये किंमतीच्या हातभट्टी दारूसह एकूण ०१, ९३, ४०० किंमतीचा मुद्देमाल विभागाने हस्तगत करण्यात आलाय. ही कारवाई राज्य उत्पादन शुल्क विभागाचे अधीक्षक नितीन धार्मिक यांच्या मार्गदर्शनाखाली निरीक्षक पंढरपूर किरण बिरादार, सहायक दुय्यम निरीक्षक जीवन मुंढे, जवान विजयकुमार शेळके व वाहनचालक रामचंद्र मदने यांच्या पथकाने केली.
....आवाहन....
नागरिकांना आवाहन करण्यात येते की, त्यांच्या परिसरात अवैध देशी-विदेशी दारु, हातभट्टी दारूची निर्मिती, विक्री होत असल्यास या विभागास त्याची माहिती द्यावी. माहिती देणाऱ्याचे नाव गोपनीय ठेवण्यात येईल, असंही राज्य उत्पादन शुल्क विभागाचे अधीक्षक नितीन धार्मिक यांनी म्हटलं आहे.
