सोलापूर : शासकीय सहकार व लेखा पदविका मंडळ (जी.डी.सी.ॲन्ड ए बोर्ड) यांचेकडून घेण्यात येणारी शासकीय सहकार व लेखा पदविका (जी.डी.सी. ॲन्ड ए) परिक्षा व सहकारी गृहनिर्माण व्यवस्थापन प्रमाणपत्र (सी.एच.एम) परिक्षा दिनांक 24, 25 व 26 मे 2024 रोजी घेण्यात येणार आहे. परिक्षणार्थीकडून ऑनलाईन पध्दतीनेच अर्ज स्विकारण्यात येणार आहेत. ऑनलाईन व्यतिरिक्त अन्य कोणत्याही प्रकारे या परिक्षेसाठी अर्ज स्विकारले जाणार नाहीत, तसेच ऑनलाईन अर्ज
https://edca.maharashtra.gov.in
या संकेतस्थळावरच भरता येईल. परिक्षार्थीसाठी ऑनलाईन अर्ज भरण्याबाबत सविस्तर अधिसुचना खात्याच्या
https://sahakarayukta.maharashtra.gov.in
या संकेतस्थळावर उपलब्ध आहे. ऑनलाईन अर्ज दिनांक 5.1.2024 ते 15.02.2024 या कालावधीत करता येतील.
अधिक माहितीसाठी जिल्हा उपनिबंधक, सहकारी, संस्था, सोलापूर कार्यालय, मध्यवर्ती प्रशासकीय इमारत, पहिला मजला, ई ब्लॉक, जूने जिल्हाधिकारी कार्यालय आवार, सोलापूर येथे कार्यालयीन वेळेत प्रत्यक्ष अथवा दुरध्वनीवरून संपर्क साधावा, कार्यालयीन दुरध्वनी क्र.
0217-2629749
या क्रमांकावर संपर्क साधावा, असे जिल्हा उपनिबंधक किरण गायकवाड यांनी कळविले आहे.
