मोहम्मद अयाज यांच्या आवाजातील जादू जणू मोहम्मद रफी
यांचं युग पुन्हा अवतरल्याचा प्रत्यय देणारी आहे : यतीन शहा
सोलापूर : मोहम्मद अयाज यांच्या आवाजातील जादू जणू मोहम्मद रफी यांचं युग पुन्हा अवतरल्याचा प्रत्यय देणारी आहे, असे गौरवोद्गार प्रिसिजन उद्योग समुहाचे प्रमुख यतीन शहा यांनी केले.
शनिवारी, सायंकाळी येथील हुतात्मा स्मृति मंदिरात मोहम्मद अयाज संचलित भारतीय कला प्रसार आयोजित स्वरसम्राट मोहंम्मद रफी यांच्या जन्मशताब्दी निमित्त 'रफी सौ साल, लता बेमिसाल' या सांस्कृतिक कार्यक्रमाचं आयोजन करण्यात आलं होतं.
यावेळी राजशेखर शिवदारे, डॉ. विजय रघोजी, डॉ. अरुण मनगोळी, डॉ. सतीश वळसंगकर, डॉ. मिलिंद जोशी. डॉ. पुजार, डॉ. विजय कानेटकर, डॉ. यजुर्वेदी, प्रकाश भुतडा, अनिल भिसे, डॉ. नितीन तोष्णीवाल, डॉ. मस्के, सुधा अळ्ळीमोरे, प्रिंसीपल आसिफ इक्बाल, मिलिंद नळेगांवकर यांच्यासह अनेक मान्यवरांची उपस्थिती होती.
या सांस्कृतिक कार्यक्रमात मोहम्मद रफी व लता मंगेशकर यांच्या अविट गाण्यांचा आविष्कार सोलापूरकर रसिकांनी अनुभवला. या कार्यक्रमात निवेदक अकबर सोलापुरी यांचा विशेष सन्मान करण्यात आला. संगीत संयोजन साहीर नदाफ, अविनाश ईनामदार, अमीर हुंडेकरी, सहगायिका भाग्यश्री चव्हाण तर कार्यक्रमाचं बहारदार सूत्रसंचालन मंजुषा गाडगीळ यांनी केले.
छायाचित्रात पुरस्काराचे मानकरी राधा मंगेशकर, कुमार करजगी, यतिन शहा, गायक मोहम्मद अयाज दिसत आहेत.
