भारतीय रेल्वेची मालमत्ता विकत घेतल्याचे प्रकरण
सोलापूर : भारतीय रेल्वेची मालमत्ता असलेले ८ जीआय सीट भंगाराच्या स्वरूपात विकत घेतल्याप्रकरणी आर.पी. एफ. आणि सीआयबी सोलापूर यांच्या संयुक्त कारवाईत शकील अहमद गुलाम रसूल शेख (वय- ५४ वर्षे, पत्ता- ६०/५४, सिद्धेश्वर पेठ, सोलापूर) याला ताब्यात घेऊन रेल्वे पोलिसांच्या गजाआड करण्यात आले. त्याच्या ताब्यातून ५, ६०० रुपये किमतीचे जीआय शीट हस्तगत करण्यात आले असून या गुन्ह्यातील तिसऱ्या आरोपीचा शोध सुरू असल्याचे आरपीएफ पोलीस ठाण्यातून सांगण्यात आले.
याबाबत मिळालेली अधिक माहिती अशी की, ज्यामध्ये सोलापूर येथून रेल्वे गुड्स शेडच्या मागे असलेल्या जुन्या हमाल रूमजवळ जुन्या टिन पत्र्यांचे ०८ तुकडे सापडले. (जीआय शीट) चोरीला गेल्याची तक्रार करण्यात आली. यावेळी साइटवर काम करणारे पर्यवेक्षक अक्षय हजारे यांनी दिलेल्या माहितीनुसार शनि मंदिराजवळ राहणारा हिमांशू उर्फ अक्षय गायकवाड नावाचा व्यक्ती जुनी पत्रे (जीआय शीट) टेम्पोमध्ये घेऊन गेला, असल्याची माहिती पुढे आलीय.
त्यानंतर सोलापूर पोलिस निरीक्षक यांच्या सूचनेनुसार उपनिरीक्षक निधीश जोशी व कर्मचारी आर.पी.एफ. सोलापूर आणि सीआयबी सोलापूर यांच्या संयुक्त कारवाईत या प्रकरणातील पाहिजे असलेला आरोपी हिमांशू उर्फ अक्षय अशोक गायकवाड (वय- ३२ वर्षे, पत्ता- शनी मंदिराजवळ, १५४/५ आरबी II, सोलापूर) याला याला अटक करण्यात आली.
हिमांशू उर्फ अक्षय गायकवाड याने त्याच्या हृषीकेश मैत्रे मित्रासोबत आर्थिक विवंचनेतून सायंकाळी सहा वा. रेल्वे गुड्स शेडच्या मागे असलेल्या रेल्वे गुड्स शेडमध्ये गेलो, जुने रेल्वे माल-शेड हमाल कक्ष पाडून रेल्वे खात्याने ठेवलेले एकूण ०८ जुने टिनपत्रे (जीआय शीट) चोरून एका पांढऱ्या पिकअप वाहनात विजापूर वेस परिसरात असलेल्या गुडलक नावाच्या भंगाराच्या दुकानात नेले आणि तेथे आम्ही सर्व ०८ नग जमा केले. जुनी पत्रे (जीआय शीट) एका भंगार दुकानाच्या मालकाला विकली. त्यातून ५, ६०० रूपये रोख मिळाले. ते पैसे त्यांनी आपापसात वाटून घेतले अन् ते त्यांच्या वैयक्तिक छंदांसाठी खर्च केले.
आरोपी अक्षय गायकवाड याच्या सांगण्यावरून रेल्वे पोलिसांनी दोन पंचासह विजापूर वेस परिसरातील गुडलक नावाचे भंगार दुकान गाठले. त्याने तेथे दुकान मालकाकडे बोट दाखवत, चोरीची पत्रे त्याला विकल्याचे सांगितलं. उपनिरीक्षक निधिश जोशी यांनी दुकान मालकाची दोन स्वतंत्र न्यायाधीशांसमोर चौकशी केल्यावर शकील अहमद गुलाम रसूल शेख (वय- ५४ वर्षे, पत्ता- ६०/५४, सिद्धेश्वर पेठ, सोलापूर) असं त्याचे नांव असल्याचे चौकशीत पुढं आले.
शकील अहमद गुलाम रसूल शेख यांनी रेल्वेचे जुनी पत्रे (जीआय शीट) खरेदी केल्याचे मान्य केले, अन् दुकानात ठेवलेली चोरीची पत्रे काढून दिले. त्याचा जप्ती पंचनामा अंतर्गत जप्त करण्यात आले. दुकान मालक शकील अहमद शेख याला आरोपित म्हणून आरपीएफ पोलिस स्टेशन, सोलापूर यांच्या ताब्यात देण्यात आले.
या प्रकरणातील फरार आरोपी हृषिकेश मैत्रे याचा शोध सुरू आहे. आवश्यक कागदपत्रांची पूर्तता करून अटक करण्यात आलेल्या आरोपींना रिमांड अहवालासह पुढील कार्यवाहीसाठी माननीय न्यायालयात पाठविण्यात आले. त्याला दौंड येथे हजर करण्यासाठी रवाना करण्यात आले. उपनिरीक्षक निदिश जोशी या प्रकरणाचा अधिक तपास करीत आहेत.
