सोलापूर : सालाबादप्रमाणे याही वर्षी पत्रातालिम येथे गणेशोत्सवाच्या पार्श्वभूमीवर पूर्व बैठक पार पडली. सुरुवातीला पत्रातालिम श्रद्धास्थान स्व.कै.मुरलीधर (आप्पा)घाङगे पैलवान यांच्या व गणेश मुर्तीस मान्यवरांच्या उपस्थितीत पुष्पहार घालण्यात आला. त्यानंतर पत्रातालिम भागातील आपल्या निधन झालेल्या ज्येष्ठ नागरिकांसाठी २ मिनिट स्तब्ध राहुन श्रद्धांजली वाहण्यात आली.यानंतर बैठकीस सुरुवात झाली.
या बैठकीस पत्रा तालिमचे आधारवड माजी स्थायी समिती चेअरमन पद्माकर ऊर्फ नानासाहेब काळे, खलिफा पैलवान दत्तात्रय कोल्लारकर,भारत बन्ने, शिवाजीराव चव्हाण, मनोज गादेकर, श्रीकांत घाङगे, जयंत शेळके, सचिन शिंदे,उत्तम कोलारकर, बापू जाधव, दिपक ऊर्फ पिंटू चव्हाण, किशोर गादेकर, सचिन स्वामी, देविदास घुले, उमाकांत घाडगे, खंडू बन्ने, राहुल बन्ने, राहुल बनसोडे यांच्यासह पत्रातालिम मंडळाचे सर्वच प्रमुख पदाधिकारी आणि कार्यकर्ते यांची मोठ्या संख्येने उपस्थिती होती.
बैठकीच्या सुरुवातीलाच मागील वर्षीचा आढावा सादर करण्यात आला. तसेच या भागातील स्थानिक नागरिक आपल्या अथक परिश्रमांनी विविध क्षेत्रात गरुडझेप घेऊन पत्रातालिम चे नाव सोलापूर शहर-जिल्ह्यात झळकावणारे अॕड. महादेव पवार, अनुप भोसले, अॅड. अक्षय बन्ने ,पाटील,यांचा विशेष सन्मान पार पडला, तर महाराष्ट्र नेशन या राज्य वृत्तवाहिनीवर सोलापूर प्रतिनिधी म्हणून नाव राज्यभरात आपल व पत्रातालिम भागाचं नाव चमकावणारे पत्रकार विशाल भांगे यांचाही वेळी विशेष सत्कार करण्यात आला.
यानंतर नूतन पदाधिकारी यांची निवड करण्यात आली, यात यंदाच्या गणेशोत्सोव अध्यक्षपदी युथ आयकाॕन ओंकार जाधव यांची निवड करण्यात आली, अन्य पदाधिकारी पुढीलप्रमाणे आहेत.
उपाध्यक्ष आकाश बन्ने, सुहास चाबुकस्वार, कार्याध्यक्ष श्रद्धेश चव्हाण, मिरवणूक प्रमुख महेश जगदाळे, खजिनदार जल्पेश घुले, लेझिम प्रमुखनिलेश शिंदे, प्रसिद्धीप्रमुख युवराज फङके, वैभव गंगणे यांची निवङ करण्यात आली.
प्रारंभी यावेळी सर्व नूतन पदाधिकारी यांचा सत्कार उपस्थित मान्यवरांच्या शुभहस्ते करण्यात आला.या संदर्भात अधिक माहिती श्रीकांत घाङगे यांनी माध्यमांशी बोलताना दिली.
