सोलापूर : मालमत्तेच्या वादातून झालेल्या प्राणघातक हल्ला प्रकरणी माळशिरस पोलिस ठाण्यात दाखल गुन्ह्यातील आरोपी संदीपन भीमराव रूपनवर याला मुंबई उच्च न्यायालयाच्या कोल्हापूर खंडपीठाने अटकपूर्व जामीन मंजूर केला.
शेतीच्या जमिनीवरील हक्क व पिकाच्या उत्पन्नावरून दोन्ही कुटुंबांमध्ये वाद झाला. या वादाचे रूपांतर हाणामारीत झाले. ही घटना 25 जून 2026 रोजी घडली. फिर्यादी आणि त्याच्या भावाला आरोपींनी दगड, लाथा-बुक्क्यांनी मारहाण करून जखमी केले, असं सरकार पक्षाचे म्हणणे होते.
या प्रकरणात बचाव पक्षातर्फे ॲड. जयदीप माने यांनी न्यायालयासमोर बाजू मांडताना न्यायालयाच्या निदर्शनास आणून दिले की, घटने दिवशी फिर्यादीने आरोपी संदीपान याला चाकूने मारून जखमी केले होते व त्याबाबत आरोपीच्या भावाने फिर्याद दिलेली आहे आणि त्या फिर्यादीला शह देण्यासाठी आरोपींना खोट्या गुन्ह्यात गुंतवलं आहे, आरोपीच्या घरातील शाळेत हजर असणाऱ्या अल्पवयीन मुलास देखील गुंतवण्यास कमी केले नाही. दोन्ही बाजूचा युक्तिवाद ऐकून न्यायमूर्तींनी आरोपी संदिपान रुपनवर याचा अटकपूर्व जामीन अर्ज मंजूर केला.
या प्रकरणी आरोपीतर्फ ॲड. जयदीप माने यांनी तर सरकारतर्फे ॲड. शुभांगी देशमुख यांनी काम पाहिले.
