समाजातील कर्तृत्ववानांचा गौरव; शिवयोग अंकाचे प्रकाशन, सामुदायिक विवाह सोहळ्यास मान्यवरांची उपस्थिती
सोलापूर : महाराष्ट्र नाभिक महामंडळ व समाजामध्ये फाउंडेशन यांच्या संयुक्त विद्यमाने आयोजित करण्यात आलेला नाभिक समाजाचा वधू-वर पालक परिचय मेळावा तसेच सामुदायिक विवाह सोहळा शनिवारी, 23 मे रोजी सोलापूर येथे मोठ्या उत्साहात आणि दिमाखदार वातावरणात पार पडला.
कार्यक्रमाची सुरुवात सकाळी 11 वाजता वधू-वर पालक परिचय मेळाव्याने झाली. यावेळी श्री संत सेना महाराज यांच्या प्रतिमेचे पूजन सोलापूरच्या खासदार प्रणिता शिंदे यांच्या शुभहस्ते करण्यात आले.
कार्यक्रमास महाराष्ट्र नाभिक महामंडळाचे प्रदेशाध्यक्ष कल्याणराव दळे, एकनाथ स्वाभिमानी शिक्षक सेनेचे प्रदेशाध्यक्ष प्रा. डॉ. बापूसाहेब अडसूळ, भाजप नगरसेवक प्रथमेश कोठे, पश्चिम महाराष्ट्र उपाध्यक्ष रमेश राऊत, उद्योजक नितीन दूरलेकर, वैभव शेटे, कलबुर्गी येथील नाभिक समाजाचे अध्यक्ष शरण बसवेश्वर सूर्यवंशी, पांडुरंग चौधरी, किशोर शेटे, भीमराव गंगरे आदींची प्रमुख उपस्थिती होती.
याप्रसंगी खा. प्रणिती शिंदे, कल्याण दळे, प्रा. डॉ. बापूसाहेब अडसूळ, पांडुरंग चौधरी आणि वैभव शेटे यांच्या हस्ते वधू-वर परिचय मेळाव्याच्या ‘शिवयोग’ या विशेष अंकाचे प्रकाशन करण्यात आले. या कार्यक्रमात समाजातील विविध क्षेत्रांत उल्लेखनीय कार्य करणाऱ्या मान्यवरांचा पुरस्कार देऊन गौरव करण्यात आला.
या सोहळ्यास महाराष्ट्र राज्याचे माजी शिक्षण मंत्री लक्ष्मणराव ढोबळे, कोमल ढोबळे, प्रा. डॉ. बापूसाहेब अडसूळ, नगरसेवक संजय कोळी, भीमराव गंगरे, किशोर शेटे, दत्तात्रय वानकर, वैभव शेटे, पांडुरंग चौधरी आदी मान्यवर उपस्थित होते.
कार्यक्रमाच्या यशस्वी आयोजनासाठी संयोजक वैभव शेटे, जिल्हाध्यक्ष संजय चिखले, युवक अध्यक्ष श्रीकांत राऊत, आनंद वाघमारे, संदीप पवार, सुदर्शन विभुते, मनोज डिगे, गणेश वाघमारे, बापूराव काळे, सहदेव वाघमारे, शिवशरण सुरवसे, बाळासाहेब वाळके, सुभाष सुरवसे, लक्ष्मण विभुते, अतुल राऊत, सुधीर माने, श्रीशैल सुरवसे, संदीप राऊत, अनिल विभुते, मल्लिनाथ लोखंडे, प्रकाश वाघमारे, सोमनाथ झुंजारे, विश्वजीत कासवदे, वैभव चौधरी, विशाल सपकाळ, किरण शेटे, राकेश कोरे आदींनी विशेष परिश्रम घेतले.
कार्यक्रमाचे सूत्रसंचालन सुभाष सुरवसे यांनी केले, तर शिवशरण सुरवसे यांनी उपस्थित मान्यवरांचे आभार मानले.
➡️ ...यांचा झाला पुरस्काराने सन्मान !
✨ मंगेश चिवटे - शिक्षक मित्र पुरस्कार
✨ प्रा. डॉ. बापूराव अडसूळ - ‘शिक्षक भूषण’ पुरस्कार
✨ अश्विनी तडवळकर (कला क्षेत्रातील योगदान) - ‘कला गौरव रत्न’ पुरस्कार
✨ समाजसेवक संजय चिखले - ‘जीवनगौरव’ पुरस्कार
✨ बापूराव चव्हाण - ‘ज्ञानज्योती जीवनगौरव’ पुरस्कार
✨ किरण भांगे आणि शिवशरण सुरवसे - ‘समाजरत्न’ पुरस्कार
✨ सुदर्शन विभुते आणि तुकाराम शिंदे (पंढरपूर) यांना ‘जीवनगौरव’ पुरस्कार
✨ प्राचार्य दत्तात्रय काशीद (नेताजी कॉलेज, मोहोळ.) - ‘ज्ञानज्योती जीवनगौरव’ पुरस्कार.
