जागतिक पर्यावरण दिनानिमित्त सोलापूर विद्यापीठात वृक्षारोपण
सोलापूर : पर्यावरणातील हवामानाचे वाढते बदल, प्रदूषण आणि जैवविविधतेचा ऱ्हास रोखण्यासाठी प्रत्येकाने एक झाड लावणे आणि त्याचे संगोपन करणे हेच भविष्यासाठी सर्वात ठोस पाऊल ठरेल, असं प्रा. डॉ. जैनोद्दीन मुल्ला यांनी सांगितले.
जागतिक पर्यावरण दिनानिमित्त विद्यापीठाचे कुलगुरू प्रा. डॉ. प्रकाश महानवर यांच्या संकल्पनेने विद्यापीठाच्या नवीन प्रशासकिय इमारतच्या 482 एकर परिसरात एक लाख झाडे लावण्याच्या संकल्पाचा भाग म्हणून, पुण्यश्लोक अहिल्यादेवी होळकर सोलापूर विद्यापीठ परिसरात सिनेटर प्रा. डॉ. जैनोद्दीन मुल्ला यांच्या हस्ते वृक्षारोपण करण्यात आले. यावेळी ते बोलत होते.
पर्यावरण संवर्धनासाठी पाच कृतीशील उपाय सुचवताना सक्रीय वृक्षारोपण, प्लास्टिकमुक्त जीवनशैली, पाणी व ऊर्जा बचत, रीसायकल आणि पुनर्वापर आणि पर्यावरण शिक्षण याचाही प्रा. डॉ. जैनोद्दीन मुल्ला यांनी प्रामुख्याने उल्लेख केला.
सोलापूर विद्यापीठ नवीन प्रशासकिय इमारत 482 एकर परिसरात 4 जून जागतिक पर्यावरण दिनी नारळ, केशर, आंबा, स्वीट महुगनी या प्रकारच्या 5,000 वृक्षाची लागवड करण्यात आली.
यावेळी प्र. कुलगुरू डॉ. लक्ष्मीकांत दामा, कुलसचिव डॉ. अतुल लकडे, परीक्षा नियंत्रक डॉ. अंधारे, वित्त व लेखा अधिकारी सीए एम. एस. खराडे, व्यवस्थापन परिषद सदस्य देवानंद चिलवंत, प्रा. सचिन गायकवाड, सिनेटर सिद्धेश्वर स्वामी, सहाय्यक कुलसचिव डॉ. यू. व्ही. मेटकरी, डॉ. शिवाजी शिंदे, सोमनाथ सोनकांबळे, एन. एन. एस. संचालक डॉ. राजेंद्र वडजे, पर्यावरणशास्त्र विभाग प्रमुख प्रा. डॉ. धुळप आणि इतर मान्यवरांच्या उपस्थितीत वृक्षारोपण करण्यात आले.
