सोलापूर : प्रकल्प अधिकारी, एकात्मिक आदिवासी विकास प्रकल्प, सोलापूर या कार्यालयाच्या कार्यक्षेत्रात सोलापूर व धाराशिव या दोन जिल्ह्यांचा समावेश होत असून सोलापूर जिल्ह्यामध्ये जिल्हा स्तरावर दोन व तालुका स्तरावर एक शासकीय वसतिगृह कार्यरत आहे. तसेच धाराशिव जिल्ह्यामध्येही जिल्हा स्तरावर दोन व तालुका स्तरावर एक शासकीय वसतिगृह कार्यरत असून त्याबाबतची माहिती खालीलप्रमाणे आहे.
वसतिगृहाचे नाव - आदिवासी मुलांचे शासकीय वसतिगृह, सोलापूर - मंजुर क्षमता 125. ,
आदिवासी मुलींचे शासकीय वसत्तिगृह, सोलापूर- मंजुर क्षमता 125. ,
आदिवासी मुलांचे शासकीय वसतिगृह बार्शी, ता. बार्शी जि. सोलापूर- मंजुर क्षमता 125. ,
आदिवासी मुलांचे शासकीय वसतिगृह, धाराशिव- मंजुर क्षमता 125.
आदिवासी मुलींचे शासकीय वसतिगृह, धाराशिव - मंजुर क्षमता 125.
आदिवासी मुलांचे शासकीय वसतिगृह कळंब ता. कळंब जि. धाराशिव - मंजुर क्षमता 125.
या शासकीय वसतिगृहामध्ये www.swayam.mahaonline.gov.in या संकेतस्थळाद्वारे अनुसुचित जमातीच्या विद्यार्थ्यांना सन 2025-26 या शैक्षणिक वर्षात मोफत प्रवेश देण्याची प्रक्रिया सुरु आहे. तसेच शासकीय वसतिगृहामध्ये प्रवेश घेणाऱ्या विद्यार्थ्यांना थेट लाभ हस्तांतरण योजनेंतर्गत (DBT) बेडींग साहित्य व शैक्षणिक साहित्य खरेदी करण्यासाठी प्रति वर्षाकरीता अभ्यासक्रमनिहाय आवश्यक असलेली खालीलप्रमाणे रक्कम त्यांचे आधार संलग्न बँक खात्यात जमा केली जाते.
इयत्ता - इ. 8 वी ते इ. 10 वी-रक्कम रू.3200
इ. 11 वी व इ. 12 वी (कला, वाणिज्य, विज्ञान) इ. 10 वी तसेच इ. 12 वी च्या शैक्षणिक पात्रतेवर आधारीत 2 व 3 वर्षाच्या कालावधीचे पदविका अभ्यासक्रम - रक्कम रू. 4000
इ. 12 वी च्या शैक्षणिक पात्रतेवर आधारीत पदवी अभ्यासक्रम- रक्कम रु. 4500
वैद्यकिय व अभियांत्रिकी - रक्कम रु. 6000
तसेच शासकीय वसतिगृहामध्ये प्रवेशित विद्यार्थ्याना त्यांच्या दैनंदिन भोजन व नाश्त्यासाठी प्रत्येक 3 महिन्यांची आगाऊ खालीलप्रमाणे रक्कम त्यांच्या आधार संलग्न बँक खात्यात जमा केली जाते.
वसतिगृह दर्जा - अ. ब व क वर्ग महानगरपालिका, विभागीय शहरातील वसतिगृहे- मासिक रक्कम- 3500 रुपये, जिल्हास्तरावरील सर्व वसतिगृहे - मासिक रक्कम- 3000 रूपये
तालुका स्तरावरील शासकीय वसतिगृहामध्ये प्रवेश घेणाऱ्या विद्यार्थ्यांना भोजन ठेकेदारामार्फत दैनंदिन भोजन व नाश्ता दिला जातो. तसेच शासकीय वसतिगृहात प्रवेश घेणाऱ्या विद्यार्थ्यांना खालीलप्रमाणे निर्वाह भत्ता अदा केला जातो.
वसतिगृह स्तर - अ, ब व क वर्ग महानगरपालिका, विभागीय शहरातील वसतिगृहे निर्वाह भत्ता रक्कम मासिक - 800 रू.
जिल्हा स्तरावरील सर्व वसतिगृहे- निर्वाह भत्ता रक्कम मासिक- 600 रुपये
तालुका स्तर - निर्वाह भत्ता रक्कम मासिक - 500 रूपये
तरी सोलापूर व धाराशिव जिल्ह्यातील जास्तीत जास्त अनुसुचित जमातीच्या विद्यार्थ्यानी www.swayam.mahaonline.gov.in या संकेतस्थळाद्वारे उक्त शासकीय वसतिगृहामध्ये मोफत प्रवेश घेणेबाबत प्रकल्प अधिकारी, एकात्मिक आदिवासी विकास प्रकल्प, सोलापूर सागर नन्नवरे यांच्याकडून आवाहन करण्यात येत आहे.
