सोलापूर : पर्यावरणाचे संरक्षण हे रोटरी इंटरनॅशनलच्या सात प्रमुख कार्यक्षेत्रांपैकी एक असून, या उद्दिष्टाशी सुसंगत राहून रोटरी क्लब ऑफ सोलापूर स्मार्ट सिटी यांनी गुळवंची ग्रामपंचायत यांच्या संयुक्त विद्यमाने वृक्षारोपण अभियान राबवले. रोटरी क्लब ऑफ सोलापूर स्मार्ट सिटी यांच्यावतीने ५०० वृक्ष लागवड मोहिमेच्या पहिल्या टप्प्यात, २२ जून रोजी गुळवंची येथे १०० रोपट्याची लागवड करण्यात आली.
कार्यक्रमाचे प्रास्ताविक अध्यक्ष अकबर नदाफ यांनी तर सूत्रसंचालन महेश साळुंके यांनी केले. शेवटी सचिव बसवराज बिराजदार यांनी सर्व उपस्थितांचं आभार मानले. या कार्यक्रमाच्या यशस्वी आयोजनासाठी क्लबचे सर्व पदाधिकारी व सदस्यांनी परिश्रम घेतले.
