सोलापूर : सोलापूर जिल्ह्यातील सर्व पशुपालक शेतकरी, व सुशिक्षित बेरोजगारांना कळविण्यात येते कि, पशुसंवर्धन विभाग जिल्हा परिषद सोलापूरच्या वतीने सधन कुक्कुट विकास गट नेहरूनगर, सोलापूर येथे 5 दिवसाचे कुक्कुट पालन प्रशिक्षण आयोजित केलेअसून, दि. 21 एप्रिल 2025 ते 25 एप्रिल 2025 पर्यंत प्रशिक्षण कालावधी असून, प्रवेश घेऊ इच्छीत असलेल्यांनी दि. 07 ते 17 एप्रिल 2025 या कालावधित अर्ज करून प्रशिक्षणाचा लाभ घ्यावा.
या प्रशिक्षणार्थ्यांसाठी शैक्षणिक पात्रता किमान 7 वी पास असणे अपेक्षित आहे. तसेच हे प्रशिक्षण सुशिक्षित बेरोजगारांना सुवर्ण संधी आहे. या प्रशिक्षणासाठी प्रवेश फी सर्व प्रवर्गासाठी 200 रुपये आकारण्यात येईल. सोबत
शाळा सोडण्याचा दाखला,
जातीचा दाखला,
आधार कार्ड,
फोटो,
जोडणे आवश्यक आहे. असे आवाहन जिल्हा पशुसंवर्धन अधिकारी, जिल्हा परिषद सोलापूर डॉ. एन. एल. नरळे यांनी केले आहे. या प्रशिक्षणासाठी पशुधन विकास अधिकारी, डॉ. एस. एम. बोधनकर, यांच्याशी संपर्क साधावा. पत्ता-सधन कुक्कुट विकास गट, नेहरू नगर, बी.पी.एड कॉलेज सोलापूर.
