सोलापूर : कुमठे प्रशाला व कनिष्ठ महाविद्यालय कुमठे येथे जागतिक महिला दिन शनिवारी, ०८ मार्च रोजी साजरा करण्यात आला. प्रथमतः क्रांतीज्योती सावित्रीबाई फुले व संस्थेचे संस्थापक अध्यक्ष कै. ब्रह्मदेव दादा माने यांच्या प्रतिमेचे पूजन राष्ट्र विकास प्राथमिक विद्यामंदिरच्या मुख्याध्यापिका मंगला नाईकनवरे यांच्या हस्ते करण्यात आले. .jpg)
जागतिक महिला दिनानिमित्त कुमठे प्रशालेच्या सहशिक्षिका सौ. रूपाली खाडे व राष्ट्र विकासच्या विद्या मंदिरच्या सहशिक्षिका सौ. कांचन कुलकर्णी यांनी आपले विचार व्यक्त केले.
या कार्यक्रमास प्रशालेतील सर्व महिला शिक्षिका यांचा सन्मान करण्यात आला. प्रशालेतील सर्व विद्यार्थी-विद्यार्थिनी, शिक्षकेतर कर्मचारी या कार्यक्रमास उपस्थित होते. सूत्रसंचालन कुमठे प्रशालेच्या सहशिक्षिका सौ. कुडले यांनी केले, तर सौ. जमखंडीकर मॅडम यांनी सर्व उपस्थितांचं आभार मानले.
