सोलापूर : शाक्य मुनी बुद्धांना ज्ञान प्राप्ती झालेल्या पवित्र ठिकाणी ब्राह्मणांनी कब्जा केला आहे, महाबोधी मंदिर कायदा १९४९ हा ब्राह्मणांनी त्यांचे वर्चस्व प्रस्थापित करण्यासाठी बनवलेला कट रचलेला कायदा आहे. तो रद्द करून महाबोधी महाविहार ब्राह्मणांच्या ताब्यातून मुक्त करण्याच्या मागणीसाठी बुद्धिस्ट इंटरनॅशनल नेटवर्कने देशव्यापी टप्प्या-टप्प्याने चळवळ म्हणून आंदोलन सुरू केलंय, त्याचा एक भाग म्हणून तिसऱ्या टप्प्यात शनिवारी, २२ मार्च रोजी देशभरात सर्व जिल्ह्यांच्या जिल्हा मुख्यालयांवर निदर्शने रॅली काढण्यात आली.
बुधवार पेठेतील भारतरत्न डॉ. बाबासाहेब आंबेडकर उद्यानापासून शनिवारी सकाळी रॅलीस प्रारंभ प्रारंभ झाला, ही रॅली छत्रपती शिवाजी महाराज पुतळा, चार हुतात्मा चौक, भारतरत्न डॉ.आंबेडकर चौक मार्गे जिल्हाधिकारी कार्यालयापर्यंत नेण्यात आली. त्यानंतर सायंकाळी ४ वा.पर्यंत निदर्शने करण्यात आली.
बोधगया महाविहार मुक्ती देशव्यापी टप्प्या-टप्प्याने होणाऱ्या चळवळीचे टप्प्यात ०३ मार्च २०२५ रोजी सर्व जिल्ह्यांच्या जिल्हा दंडाधिकाऱ्यांमार्फत महामहिम राष्ट्रपती द्रौपदी मुर्मू यांना निवेदन पाठविण्यात आले. दुसरा टप्प्यात, ०८ मार्च रोजी सर्व जिल्ह्यांच्या जिल्हा मुख्यालयांवर निषेध निदर्शने करण्यात आली. तिसरा टप्प्यात, २२ मार्च रोजी सर्व जिल्ह्यांच्या जिल्हा मुख्यालयांवर निदर्शने रॅली काढण्यात आली. त्यानुसार येथील जिल्हाधिकारी कार्यालयाच्या प्रवेशद्वारावर निदर्शने रॅली काढण्यात आली.
* महाबोधी मंदिर कायदा १९४९ हा ब्राह्मणांनी बनवला नव्हता, तो ब्राह्मणांनी त्यांचे वर्चस्व प्रस्थापित करण्यासाठी बनवलेला कट रचलेला कायदा आहे. त्याच्या माध्यमातून ब्राह्मणांनी महाबोधी महाविहार बेकायदेशीरपणे ताब्यात घेतला आहे. हे कृत्य आंतरराष्ट्रीय वारसा कायद्याचेही उल्लंघन करते. म्हणून, महारोधी तपाल कायदा १९४९ रद्द करावा आणि त्याच्या जागी एक नवीन कायदा करावा, ज्यामध्ये सर्व सदस्य बंधपत्रित वर्गातील असावेत
* महाबोधी महाविहार संकुलातील शिवलिंग कसे आहे ? बीटीएमसी काय करत आहे? महानिधी महाविहार हा बोडोंचा जागतिक वारसा आहे, १८९५ मध्ये अनागरिक धर्मपाल विरुद्ध महंत यांच्या प्रकरणात याचा उल्लेख करण्यात आला होता. या खटल्याच्या निकालाने हे सिद्ध झाले आहे. असे असूनही, मुख्य मंदिराशेजारी शिवलिंग स्थापित करणे आणि भिंतीवर पद्याचा उल्लेख करणे हे जागतिक वारशाचा अपमान आहे.
* महाबोधी महाविहार हा मुळात बौद्धांचा जागतिक वारसा आहे, याची पुष्टी फा-हियान आणि ह्युएन त्सांग यांच्या प्रवासवर्णनांनी आणि महाबोधी महाविहार उत्खनन अहवालाने केली आहे. म्हणून, हे ठिकाण बौद्धांना सोपवले पाहिजे.
* महंतांच्या हवेलीत शेकडो बुद्ध मूर्ती, दगडी शिलालेख आणि नोंदी पडून आहेत. महात त्याचा मालक आहे का? ते तात्काळ एएसआयच्या बोधगया संग्रहालयाकडे सोपवावे.
* महाबोधी महाविहाराच्या आसपासच्या परिसरात, बिगर हिंदू लोक जाणूनबुजून मोठ्या प्रमाणात लाऊडस्पीकर लावून वातावरण खराब करत आहेत. हे लक्षात घेतले पाहिजे.
* महाबोधी महाविहाराजवळ सम्राट अशोकाचा राजवाडा होता, जो फ्रान्सिस बुकानन यांनी पाहिला होता. बोधगयाचा इतिहास शोधून तो उलगडला पाहिजे, अशा मागण्या या वेळी करण्यात आल्या.
चौथा टप्प्यात, ०९ एप्रिल २०२५ रोजी देशव्यापी जेलभरो आंदोलन करण्यात येणार आहे, तर ०१ जुलै रोजी पाचव्या टप्प्यात भारत बंद आंदोलनाची हाक देण्यात आली असल्याचं यावेळी अनेक वक्त्यांनी सांगितले.
* ईव्हीएम मशीनद्वारे केवळ बौध्दांचाच नव्हे तर सर्व भारतीय नागरिकांचा मतदानाचा अधिकार कुचकामी ठरला आहे. म्हणून, ईव्हीएम मशीन काढून टाकल्या पाहिजेत आणि सर्व निवडणुका मतपत्रिकेचा वापर करून घेतल्या पाहिजेत, अशी आग्रही भूमिका बुद्धिस्ट इंटरनॅशनल नेटवर्क च्या वतीने आंदोलनाच्या मांडण्यात आली.
यावेळी बुद्धिस्ट इंटरनैशनल नेटवर्क-संयोजक अशोक गायकवाड, राष्ट्रीय रविदास परिषदेचे अध्यक्ष अशोक अगावणे, छत्रपती शिवाजी महाराज मुस्लिम ब्रिगेडचे संस्थापक अध्यक्ष फारुख शेख, महाबोधी महाविहार बचाव आंदोलन संयुक्त कृती समिती सोलापूरचे मिलिंद प्रक्षाळे, दयानंद बनसोडे, मातंग समाज कृती समिती, सोलापूरचे युवराज पवार, बहुजन मुक्ती पार्टी युवा अध्यक्ष एडवोकेट योगेश सिद्धगणे, भीम आर्मी सामाजिक संघटनेच्या विशाखा उबाळे आणि समता सैनिक दल सोलापूरच्या वैशाली उबाळे यांच्यासह अनेक सामाजिक संघटना पदाधिकारी व कार्यकर्ते उपस्थित होते.
