.jpeg)
सोलापूर : उत्कृष्ट रेशीम कोष उत्पादन घेणाऱ्या व रेशीम शेतीतून लक्षाधीश झालेल्या शेतकऱ्यांना पालकमंत्री जयकुमार गोरे व जिल्हाधिकारी कुमार आशीर्वाद यांचे स्वाक्षरीचे प्रमाणपत्र व सन्मान चिन्ह प्रदान करण्यात आले असल्याची माहिती रेशीम विकास अधिकारी विनित पवार यांनी दिली.
सोलापूर जिल्ह्यातील 11 तालुक्यामध्ये 1 हजार 17 शेतकऱ्यांकडे 1 हजार 260 एकरावर रेशीम उद्योग चालू असून त्यापैकी मौजे निमगाव ता.माळशिरस येथील शेतकरी जगन्नाथ पंढरीनाथ मगर यांनी घेतलेली अंडीपुंज संख्या-2 हजार 200, रेशीम कोषांचे उत्पादन कि.ग्रॅ. 1 हजार 760, प्राप्त रक्कम 10 लाख 8 हजार 480 रुपये व जयसिंग साहेबराव मगर यांनी घेतलेली अंडीपुंज संख्या-2 हजार 800, रेशीम कोषांचे उत्पादन कि.ग्रॅ. 2 हजार 110, प्राप्त रक्कम 11 लाख 34 हजार. रुपये, हणमंत तुकाराम सांगोलकर मौजे भंडीशेगाव ता.पंढरपूर यांनी घेतलेले अंडीपुंज संख्या-3 हजार 200, रेशीम कोषांचे उत्पादन कि.ग्रॅ. 2 हजार 257 प्राप्त रक्कम 13 लाख 20 हजार 345 रुपये, वैभव भिमराव काळे मौजे कंदर ता. करमाळा, यांनी घेतलेले अंडीपुंज संख्या- 3 हजार, रेशीम कोषांचे उत्पादन कि.ग्रॅ. 2 हजार 680 प्राप्त रक्कम 14 लाख 7 हजार 431 रुपय, सौदागर पांडुरंग पांडव मौजे पिरटाकळी, ता. मोहोळयांनी घेतलेले अंडीपुंज संख्या-2 हजार 50, रेशीम कोषांचे उत्पादन कि.ग्रॅ. 1 हजार 701 प्राप्त रक्कम 8 लाख 33 हजार 490 रुपये तसेच श्रीशैल मलकाप्पा नंदगाव मौजे हत्तीकणबस ता. अक्कलकोट यांनी घेतलेले अंडीपुंज संख्या- 1 हजार 50, रेशीम कोषांचे उत्पादन कि.ग्रॅ. 897, प्राप्त रक्कम 4 लाख 72 हजार 560 रुपये इतकी आहे.
